Azərbaycanın sülh yönümlü addımları hər dəfə erməni rəhbərliyi tərəfindən əngələnir-RƏY

26 iyun 2010-cu ildə ATƏT-in Minsk qrupunun həmsədr dövlətləri olan ABŞ, Rusiya və Fransa prezidentlərinin Kanadanın Muskok şəhərində qəbul etdikləri birgə bəyanatında ondan bir əvvəl açıqlanan Ermənistan-Azərbaycan münaqişəsinin tənzimlənməsinə dair Madrid prinsipləri öz təsdiqini tapdı.

Madrid prinsiplərində əks olunan və Muskok bəyanatında öz təsdiqini tapan müddəalar münaqişənin Helsinki Yekun Aktının prinsipləri əsasında həll edilməsi zərurətini ortaya qoydu. Problemin, ilk növbədə, Azərbaycanın Dağlıq Qarabağ bölgəsinin ətrafında yerləşən rayonların erməni işğalından azad edilməsi, Dağlıq Qarabağa müvəqqəti statusun verilməsi və sonrakı mərhələdə onun hüquqi statusunun əhalinin iradəsinin ifadəsi əsasında müəyyənləşdirilməsi, qaçqınlar və məcburi köçkünlərin doğma yerlərinə qayıtması yolu ilə tənzimlənməsi məqsədəuyğun sayıldı.

Lakin Muskok bəyanatı və Madrid prinsiplərini təsdiq edən digər beynəlxalq sənədlərin qəbul edilməsinə baxmayaraq, Ermənistan Azərbaycanın işğal altında olan ərazilərindən öz silahlı qüvvələrini çıxarmaqdan imtina edərək Minsk qrupu həmsədrlərinin təklif etdikləri sülh planını faktik olaraq rədd etdi. Nəticədə münaqişənin tənzimlənmə prosesi dalana dirəndi. Münaqişənin sülh yolla həll edilməsi perspektivi tükəndikcə Azərbaycan dövləti ərazi bütövlüyünün bərpa edilməsi naminə istənilən üsullara əl atmağa hazır olduğunu nümayiş etdirir.

Bununla bağlı Sonxeber.az-a danışan deputat Ramil Həsən bildirib ki, 2010-ci ildə təsdiqini tapmış bu prinsiplərin əsas məqamı ondan ibarət idi ki, tərəflərin qarşılıqlı razılığa gəldiyi Helsinki Yekun Aktında nəzərdə tutulan müddəalar həyata keçirləcəkdi:

"Helsinki Yekun Aktında iki mühüm müddəa var. Dövlətlərin ərazi bütövlüyü çərçivəsində münaqişənin həlli və xalqların öz müqəddəratını təyin etmə hüququ. Son proseslər, Avropa Birliyinin yaydığı rəsmi bəyanatlar, qəbul etdiyi qətnamələr, beynəlxalq hüquq və norma çəçivəsində olan yanaşmalar açıq şəkildə Azərbaycanın mövqeyini ortaya qoymaqdadır. Bütün münaqişələr, baş verən problemlər və torpaq üzərində olan ziddiyətlərin hər biri dövlətlərin hər birinin ərazi bütövlüyü çərçivəsində həll olunmalıdır. Önəmli olan məsələlərdən biri sərhədlərin toxunulmazlığıdır. Əslində bütün bunların hər biri Madrid prinsiplərində öz əksini tapmışdı. Həmin müəddəalara baxsaq görərik ki, Azərbaycan dövlətinin müvqeyi beynəlxalq hüquq normaları çəçivəsində tam qorunacaqdır. Çünki Madrid prinsiplərindəki maddələrə əsasən birinci növbədə Dağlıq Qarabağ və onun ətrafındakı 7 rayon işğaldan azad edilməlidir. Ermənistan işğalçı qurupunun o torpaqlarını tərk etməsi, Azərbaycan icmasının öz yurduna qayıtdıqdan sonra referendum keçirilməsi və bu münvalla Dağlıq Qarabağa Azərbaycan tərkibində yüksək statusa sahib olan imkanların verilməsidir. Ermənistanın faşist idarəetmə mexanizmi və cinayətkar dəstələrdən ibarət olan rəhbərliyi Madrid prinsiplərininin real həyatda öz əksini tapmasını əngələr törətdi. Bu baş verən bir daha onu göstərdi ki, Azərbaycanın sülh yönümlü addımları hər dəfə erməni rəhbərliyi tərəfindən əngələnir. Ermənistan dövlətini idarə edən faşist yönümlü siyasət Azəbaycanın xoşməramlı diplomatik səylərinin müsbət nəticə verməsinin daim maneə olub. Bilirsiniz ki, 26 iyun Azərbaycan Respublikasının Milli Ordu günüdür. Dövlətimizin ordusu bu gün qüdrətli ordular sırasında öz yerini alıb. Bu proses uğurla davam etməkdədir. Azərbaycan dövlətinin hərbi sənayesinin daha da qüvvətlənməsi üçün bütün lazım olan addımları Ali Baş Komandan, cənab prezident İlham Əliyevin birbaşa rəhbərliyi ilə atılmaqdadır. Biz bu gün ordumuzun gücü və imkanları ilə qürur duymaqda haqlıyıq. Əlbəttə ki, ölkə rəhbərimizin söylədiyi kimi, diplomatik səylər hələ tükənməyib. Diplomatik səylər tükənən zaman Azərbaycan beynəlxalq hüquq və normalar çərçivəsində öz ərazi bütövlüyünü bərpa etmək haqqına sahibdir. Azərbaycan erməni işğalçı qüvvələrini tarixi torpaqlarından çıxarma hüququna tam sahibdir. Əlbəttə xalqı və vətəndaşları Ali Baş Komandanın bununla bağlı verəcəyi əmri yerinə yetirməyə hazırdır. Ölkəmiz üçün Azərbaycan hər zaman güclüdür. Əminik ki, torpaqlarımız diplomatik və ya digər yollarla işğaldan azad ediləcəkdir".

Aysel Yusifqızı

Telegramda izləyin

instagramda izləyin