"Azərbaycanın qeyri-neft sektoru ilin sonuna qədər öz artım templərini qoruyub saxlayacaq"- RƏY
2020-ci ilin birinci yarısı Azərbaycan iqtisadiyyatı üçün çətin oldu. Koronavirus pandemiyası və yaratdığı yan təsirlər (dünya neft bazarı, nəqliyyat daşınmaları, turizm sahəsi və s.) bir çox fəaliyyət sahəsinə, həm Azərbaycanın dövlət müəssisələrinə, həm də özəl sektor subyektlərinin işinə mənfi təsir göstərmişdir. Buna baxmayaraq, bir çox göstəricilərə görə, Azərbaycan ilin birinci yarısında artım nümayiş etdirə bilib.
Bununla bağlı Sonxeber.az-a danışan deputat Azər Badamov bildirib ki, 2020-ci il başlananda biz böyük ümüdlərlə baxırdıq:
"Proqnozlara görə ilin sonunda iqtisadi artım 3,6% olmalı idi. Amma sabah nə baş verəcəyi haqqında heç kim proqnoz verə bilmir. Keçən ilin sonundan dünya bazarlarında neftin qiymətinin aşağı düşməsinə baxmayaraq biz iqtisadiyyatımızı elə planlaşdırmışdıq ki, ilin sonuna qədər öz inkişaf tempini qoruya bilək. Amma dünyada sürətlə yayılmağa başlanmış COVİD-19 infeksiyası ÜST tərəfindən martın 11-dən qlobal pandemiya elan etməsi dünyada ölkələrarası və daxili yeni baxışlar formalaşdırmağı zəruri etdi. Sərhədlər bağlanıldı və ölkələr daxili sərt karantin tədbirləri həyata keçirəməyə başladı. O cümlədən, Azərbaycan da dünyanın bir parçası olaraq bu proseslərə birinci qoşulanların sırasına daxil oldu. Çünki ölkəmizdə insan amili hər şeydən üstündür. Tətbiq olunmuş sərt karantin bir çox sahələrin iş fəaliyyətinə məhdudiyyətlər qoyuldu, bəzilərində isə qadağalar tətbiq olundu. Təbii ki, bu ölkəmizin iqtisadi fəallığına öz mənfi təsirini göstərmiş oldu. Bu həm dövlət sektorunu, həm də qeyri-neft sektorunu əhatə etdi. Dövlət ölkədə iqtisadi fəallığının bərpası istiqamətində dövlət dəstəyi proqramları hazırlayaraq reallaşdırmağa başladı. Məhz pandemiyaya qədər olan dövrdə, həm də pandemiya dövründə atıldığı düşünülmüş addımların göstəricisidir ki, cari ilin 5 ayın makroiqtisadi göstəriciləri heç də dünyanın inkişaf etmiş ölkələri ilə müqayisədə çox da aşağı olmadı. Bu inkişaf etmiş ölkələrdə 7-8% iqtisadi gerilənmə müşahidə olunduğu halda Azərbaycanda cəmi 1,7% oldu. Amma qeyri-neft sektorunda yenə artımlar əldə olundu. Məsələn qeyri-neft sənayesi 14% , kənd təsərrüfatı 3,6% artıb. Təbii ki, bu göstəricilər ölkəmizdə qeyri-neft sektorunun inkişafı istiqamətində dövlətimizin həyata keçirdiyi müxtəlif proqramlar sayəsində əldə olunub. Hələ də turizm sektorunun fəaliyyəti tam dayanıb. Amma buna baxmayaraq düşünürəm ki, Azərbaycanın qeyri-neft sektoru ilin sonuna qədər öz artım templərini qoruyub saxlayacaqdır".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş