Covid-19-dan daha ölümcül sətəlcəm xəstəliyi- Çindən xəbərdarlıq

Çinin Qazaxıstandakı səfirliyi Çin vətəndaşlarına ölkədə pnevmoniyanın sürətlə yayılması barədə xəbərdarlıq edib.

Çinin "Twitter" olaraq tanıdığı "WeChat"ın paylaşdığı bir yazıda mənbəyi hələ təyin edilməmiş sətəlcəmin, iyun ayında Qazaxıstanda Covid-19-dan iki qat daha çox ölümə səbəb olduğu bildirilib.

Paylaşımda bildirilib ki, ilin birinci yarısında Qazaxıstanda xəstəlik səbəbindən 172 min nəfər ölüb, ölümlərin yarıdan çoxu iyun ayında baş verib.

Həyatını itirənlər arasında Çin vətəndaşlarının olduğunu qeyd edən səfirlik, "Sətəlcəmdən ölənlərin sayı Covid-19-dan qat-qat çoxdur" deyib.

Qazaxıstan Səhiyyə Nazirliyinin də xəstəliyi araşdırdığını deyən Çinin Qazaxıstandakı səfirliyi, sətəlcəmin Covid-19 ilə əlaqəli olub olmadığının hələ bilinmədiyini açıqlayıb.

F.Ağayeva

Telegramda izləyin

instagramda izləyin