ABŞ-da məhkumlar arasında kütləvi yoluxma-8 MİLYON...

ABŞ-ın Kaliforniya əyalətindəki həbsxanalardan 8000 məhkumun sərbəst buraxılacağı açıqlanıb.

Sonxeber.az xarici KİV-ə istinadən xəbər verir ki, Kaliforniya ştatının rəsmiləri COVID-19-un obyektlərə, qapalı məkanlara yayılmasını azaltmaq üçün əyalət həbsxanalarından 8000 məhbusun azad ediləcəyini açıqlayıblar.

Qərar bir çox Kaliforniya həbsxanalarında böyük koronavirus infeksiyalarının baş verməsindən sonra verilib. Məhbusların avqustun sonuna qədər sərbəst buraxılmaq hüququna sahib olduqları bildirilib.

Sərbəst buraxma qərarının Kaliforniya həbsxanalarında insan sayının azaldılması, sosial məsafələr və karantin üçün daha çox yer yaradılması məqsədi ilə olduğu bildirilib.

Kaliforniya Reabilitasiya Departamentinin katibi Ralf Diaz "Bu tədbirlərin həbsdə olan əhalinin və işçilərin sağlamlığını, təhlükəsizliyini təmin etmək üçün aparıldığını" deyib.

Kaliforniya qubernatoru Qeyvin Nyusom əyalətdəki 35 həbsxanada təxminən 2400 insanın koronavirus testinin müsbət olduğunu açıqlayıb.

F.Ağayeva

Telegramda izləyin

instagramda izləyin