"İşğal olunmuş Qarabağda ermənilərin məscid və tarixi abidələrə qarşı vandalimzinə Qərb susur"-RƏY
Türkiyə rəhbərliyinin İstanbuldakı Aya Sofya muzeyini yenidən məscidə çevirmək haqqında qərarı dünyanın bəzi ənənəvi xristian ölkələri və mərkəzləri tərəfindən kəskin tənqiqlə qarşılandı. Bu cür reaksiya həmin mərkəzlərin ikili standartlar əsasında yanaşmalarını bir daha nümayiş etdirir.
Belə ki, tarixin müxtəlif dövrlərində islam aləmində, o cümlədən Türkiyə, Azərbaycanda və digər ölkələrdə, xristian abidələrinə diqqət və qayğının göstərilməsi müqabilində xristian dövlətlərində islam abidələrinə, məscidlərə qarşı aparılan məqsədyönlü siyasət heç də mühakimə edilmir. Misal üçün İspaniyadakı zəngin müsəlman irsinin "xristianlaşdırılması"nı göstərmək olar, və ya müasir dünyanın gözü qarşısında Ermənistanın işğal etdiyi Azərbaycan ərazilərində xalqımızın əsrlər boyu yaratdığı dini abidələr, məscidlər dağıdılır, yer üzündən silinir.
Şuşa və Ağdamın məşhur məscidləri nəinki dağıdılıb və talan edilib, donuz və mal-qara yerləşdirməklə tövləyə çevrilib. Lakin erməni işğalçıları tərəfindən məscidlərimizin təhqir obyektinə çevrilməsi dünyanın aparıcı mərkəzlərinin kəskin reaksiyasına səbəb olmur.
Ermənistanın Azərbaycan ərazilərini işğal etməsi nəticəsində mədəniyyət abidələrimizin, o cümlədən məscidlərimizin, dağıdılıb.
Bu barədə politoloq Məhəmməd Əsədullazadə Sonxeber.az-a açıqlama verib.
Politoloq bildirib ki, Türkiyənin regionda söz sahibi olması, apardığı uğurlu hərbi əməliyyatlar Ankaranı kifayət qədər gücləndirib:
Bundan əlavə, Türkiyəni Aya Sofya məbədini məscid etməsinə qarşı Qərbin reaksiyası qısqanclığın təzahürüdür. Hesab edirəm ki, Türkiyə bu addımı atmaqla, ideloji olaraq güclənməni planlayır. Əlbəttə bu qardaş ölkənin daxili işidir. Amma, buna qarşı gələn dövlətlər səmimi deyil. Çünki onların tarxinə baxdıqda müsəlman abidələrini dağıdıb, yaxud kilsəyə çeviriblər. Qeyd edim ki, Azərbaycanın işğal olunmuş ərazilərində Ermənistanın islam abidələrinə, müqəddəs ocaqlara qarşı vandalimzinə Qərb susqunla yanaşdı.
Hesab edirəm ki, ikili standarlar beynəlxalq müstəvidə hazırda yaşanan gərginliyə gətirib çıxarıb. Azərbaycan bu gün qardaş Türkiyənin atdığı siyasətə dəstək verir və bunu Türkiyənin daxili siyasəti hesab edir. Türkiyə atdığı addımlarda öz baxışına görə doğru siyasət aparır".
F.Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş