"Postpandemiya dövründə Gəncə -Qazax iqtisadi zonasında iqtisadi inkişaf daha da sürətlənəcək"- DEPUTAT

Koronavirus pandemiyasının ölkənin bütün böyük şəhər və rayonlarının işinə təsir göstərməsinə baxmayaraq, Azərbaycanın bəzi regionları koronavirusun yaratdığı mənfi iqtisadi təsirlərə qarşı çox uğurla mübarizə aparır və uğurlu inkişaf nümayiş etdirir.

Tovuz rayonunun, habelə Gəncə-Qazax iqtisadi zonasının (Tovuz, Ağstafa, Daşkəsən, Gədəbəy, Goranboy, Göygöl, Qazax, Samux, Şəmkir rayonları, Gəncə və Naftalan şəhərləri) 2009-2013, 2014-2018 və 2019-2023-cü illər üçün regionların inkişafına dair dövlət proqramları çərçivəsində görülən genişmiqyaslı işlər bu gün həmin rayonlara koronavirusun iqtisadiyyata təsirinə uğurla müqavimət göstərməyə imkan verir.

Bununla bağlı Sonxeber.az- a deputat Azər Badamov danışıb:

"Bütün dünyanın iqtisadiyyatına mənfi təsir göstərmiş qlobal pandemiyadan Azərbaycan iqtisadiyyatı da itkilərsiz ötüşmür. 6 ayın sosial - iqtisadi göstəricilərində ÜDM 2,7 % azalmışdır. Amma kənd təsərrüfatında 2,2%, qeyri-neft sənayesində 14% artım əldə olunmuşdur.

Kənd təsərrüfatının və sənayenin artımında Gəncə-Qazax iqtisadi zonasının xüsusi rolu var. Gəncə -Qazax iqtisadi zona və sosial-mədəni potensialına görə Abşeron iqtisadi zonasından sonra respublikada ikinci yeri tutur.

Bu iqtisadi zonasının sənaye potenisialı inkişaf etmişdir . Eyni zamanda bu iqtisadi zonanın yeraltı faydalı qazıntılarla zəngin olması sənayenin inkişafına imkan vermişdir. Gəncə -Qazax iqtisadi zonasının sənayə potensialı ümum respublika sənayesinin 12-13%-ni təşkil edir.

Burada ilkin emal müəsisələri, ağır sənaye, maşınqayırma sənayesi, kimya sənayesi, energetika, tikinti malların istehsalı və digər sahələri əhatə etməklə Gəncə-Qazax iqtisadi zonasının sənayesinin çeşidliliyi çox müxtəlifdir. Bu iqtisadi zonanın kənd təsərrüfatı ümumi respublika kənd təsərrüfatının 13-14%-ni təşkil edir.

2004-cü ildən həyata keçirilməyə başlanmış regionların soial –iqtisadi inkişafı Dövlət Proqramları çərçivəsində Gəncə-Qazax iqtisadi zonasında böyük infrastruktur layihələrin həyata keçirilmişdir. Müasirləşmiş infrastruktur sənayenin, kənd təsərrüfatının, turizmin və digər qeyri-neft sahələrinin inkişafını sürətləndirmişdir. Cənab prezidentin sərəncamı ilə tikilmiş Şəmkirçay su anbarı kənd təsərrüfatında yeni əkin sahələrin dövrüyyəyə buraxılmasına imkan vermişdir.

Koronavirus pandemiyasına qarşı mübarizə tədbirləri ilə əlaqədar ölkəmizdə bir çox sahələrin fəaliyyətinə məhdudiyətlər qoyulmuşdur. Bu da ölkədə iqtisadi fəallığın aşağı düşməsinə gətirib çıxarmışdır. Dövlət ölkənin qeyri-neft sektorunun iqtisadi fəallığının bərpasına dövlət dəstəyi tədbirləri həyata keçirilir. Məsələn, sanatoriyalar və kurortlarala zəngin Gəncə-Qazax iqtisadi zonasının da turizm fəaliyyəti dayanmışdır. Bu sahələrdə iş yerlərinin qorunub saxlanılmasına və post pandemiya dövründə fəaliyyətlərinin bərpa olunması üçün dövlət dəstəyi ilə əhatə olunmuşdur.

Amma bununla yanaşı bu iqtisadi zonasının qeyri-neft sənayesi və kənd təsərrüfatı öz iqtisadi fəallığını qorumaqla ölkə iqtisadiyyatının gəlirliyliyini artırır. Postpandemiya dövründə daha geniş iqtisadi potensiala malik Gəncə -Qazax iqtisadi zonasında iqtisadi inkişaf daha da sürətlənəcək. Düşünürəm ki, bu iqtisadi zona ölkə iqtisadiyyatında öndə olmaqla yeni-yeni sənaye müəsisələri istismara verilməklə ölkəmizin qeyri-neft sektorunda əsas iqtisadi güc statusunu qoruyub saxlayacaqdır".

Şəlalə Babayeva

Telegramda izləyin

instagramda izləyin