Karantin rejimində növbəti yumşalmalar tətbiq ediləcək - TƏBİB rəsmisi

Karantin rejimində növbəti yumşalmalar tətbiq ediləcək - TƏBİB rəsmisiArtıq bir aydan çoxdur ki, Bakıda və ölkəmizin bir sıra bölgələrində sərtləşdirilmiş xüsusi karantin rejimi tətbiq edilir. Rejimin tətbiqindən sonra ilk 15-20 gün ərzində yoluxma sayında müəyyən stabilləşmə yaransa da, əhəmiyyətli dəyişiklik baş vermədi. Bu, onu göstərirdi ki, infeksiyanın yayıldığı ocaqlar çoxdur. Karantin rejimi nəticəsində 10-15 gündür ki, yoluxanların sayında azalma, hətta bəzən kəskin azalma müşahidə olunur. Görülən tədbirlərin nəticəsində azalma tendensiyasının davam etməsi gözlənilən hal idi. Lakin yoluxmanın azalması pandemiyanın geri çəkilməsi demək deyil.

Sonxeber.az Teleqraf.com-a istinadən xəbər verir ki, bunu TƏBİB-in Elmi Komitəsinin sədri, professor Akif Qurbanov deyib.

Professor bildirib ki, qorunma və digər qabaqlayıcı tədbirlər nəticəsində sağalma və yoluxma sayı arasında müsbət dinamika yaranıb. Epidemik prosesdə yaranan bu vəziyyət yaxşı haldır. Çünki yoluxanların sayı çox olanda xəstələnənlərin, vəfat edənlərin sayı da çox olur, xəstəxanalar yüklənir. Epidemik prosesdə belə bir qanunauyğunluq var ki, prosesin başladığı ilk vaxtlarda yoluxanların sayı sürətlə artır, getdikcə özünün ən yüksək nöqtəsinə, yəni, pik vəziyyətə çatır. Pik vəziyyət müəyyən müddət davam edə bilər və həmin vaxt yoluxanların sayı sağalanların sayını üstələyir. Pik vəziyyəti aşandan sonra epidemik proses sönməyə doğru gedir: yoluxanların sayı azalır, daha əvvəl yoluxanlar müalicə olunub sağaldığı üçün sağalanların sayı çoxalır. Azərbaycandakı indiki durumu epidemiyanın sönməsi kimi qiymətləndirmək olar, yəni, proses tədricən pik vəziyyətdən çıxıb azalmağa doğru gedir.

Söz yox ki, müəyyən müddətdən sonra karantin rejimində növbəti yumşalmalar tətbiq ediləcək, çünki sərt karantin rejimi uzun müddət davam edə bilməz. Lakin yumşalmadan sonra da arxayınlaşma olmamalı, gigiyenik tələblərə, qorunma qaydalarına ciddi şəkildə əməl edilməlidir. Hətta qoruyucu tədbirlərə indikindən də ciddi şəkildə riayət olunmalıdır. Bir sıra sahələrdə fəaliyyətin bərpası, işlərin, gediş-gəlişin canlanması insanlar arasında təmasın da canlanmasına və artmasına səbəb olacaq. Qorunma tədbirlərinə tələb edilən səviyyədə əməl edilsə, virusa yoluxanlar və xəstələnənlər olsa da, ciddi təhlükə və narahatlıq yaranmayacaq.

Akif Qurbanov qarşıdan gələn payız mövsümündə xəstəliyin yayılma ehtimalı barədə danışaraq deyib: "Soyuq havada digər tənəffüs yolu infeksiyaları, qrip və qripəbənzər viruslar artmağa başlayır. Bu, koronavirusla eyni dövrə düşsə, pandemiya fonunda daha təhlükəli ola bilər. Hətta ikinci, üçüncü dalğadan da böyük təhlükə doğura bilər. Qoruyucu tədbirlər bizi nəinki koronavirusdan, bütün digər tənəffüs yolu infeksiyalarından müdafiə edir. Ona görə də qorunma tədbirlərinə əməl edilməsi həmin təhlükələrdən qoruyar.

İyulun ortalarında Tovuz döyüşləri zamanı vətəndaşların ordumuza dəstək məqsədilə keçirdiyi kütləvi aksiyalar yoluxmaların sayına təsir etdi. Buna baxmayaraq, dəstək aksiyaları karantin qaydaları çərçivəsində olduğuna görə o qədər də çox hiss edilmədi. Yoluxanların sayının azalması həm də virusun mutasiyası, vətəndaşların qaydalara daha ciddi əməl etməsi və həkimlərin əldə olunan təcrübə nəticəsində püxtələşərək daha səmərəli mübarizə aparması ilə də əlaqədardır".

Professor diqqətə çatdırıb ki, zaman keçdikcə virus, həmçinin onun orqanizmdə səbəb olduğu dəyişiklər, müalicə tədbirləri haqqında çoxlu məlumatlar meydana çıxır. Hazırda dünya miqyasında tətbiq olunan müalicə tədbirləri əvvəlkindən daha effektlidir. Virusun yayıldığı ilk aylarda xəstəliyin patogenezisi məlum deyildi, kor-koranə şəkildə bəzi antivirus preparatları təyin edilirdi. Nəticədə bir sıra hallarda fəsadlaşmalar və virus pnevmoniyası müşahidə olunurdu. Artıq həkimlər virusla mübarizədə xeyli təcrübə qazanıblar. Aparılan müalicə prosedurları zamanı hansı halda müalicənin daha səmərəli olması izlənilir, hansı preparatların kombinasiyasının daha effektiv olması müşahidə edilir və istifadə olunur.

"Son günlər COVID-19 virusunda mutasiya baş verməsi təsdiq olunub. Bu, qorxulu olmasa da, virusun yoluxduruculuq qabiliyyətini bir qədər artırıb. Tibdə hər mikrobun yoluxduruculuq indeksi var. Həmin indeks xəstə ilə təmasda olanların neçə faizinin xəstələnməsi deməkdir. Qrip virusunda həmin indeks təxminən 20-25 faiz təşkil edir. Sadə dildə ifadə etsək, bu, bir qrip xəstəsi ilə təmasda olan 10 nəfərdən iki-üç nəfərin xəstələnməsi deməkdir. Koronavirusda isə yoluxduruculuq indeksi qriplə müqayisədə təqribən iki dəfə çoxdur. Yəni, bir koronavirus xəstəsi ilə təmasda olan 10 nəfərin təxminən beş-altısı xəstələnə bilər. Mutasiyadan sonra isə bir təmas nəticəsində hər 10 nəfərdən altı-yeddisinin xəstələnməsi mümkündür. İlk dəfə mutantlar İtaliyada qeydə alındı. Hazırda dünyada dövr edən virusların təqribən 3 faizi mutantdır. Lakin getdikcə həmin faiz çoxalacaq. Çünki virus getdikcə daha çox yayılmağa başlayacaq. Ona görə də bir daha təkrar etmək məcburiyyətindəyəm: bundan sonra daha ciddi qorunmaq lazımdır. Çünki mutant virus ölkəmizə də gəlib çıxa bilər", - deyə professor Akif Qurbanov ciddi xəbərdarlıq edib.


Sonxeber.az Telegramda izləyin
Sosial   Baxılıb: 15351   Tarix: 01 avqust 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Daha 42 Azərbaycan vətəndaşı Qazaxıstandan Vətənə yola salındı

COVID-19 pandemiyası dövründə xaricdəki Azərbaycan vətəndaşlarının ölkəyə gətirilməsi davam etdirilir. Azərbaycan hökuməti koronavirus (COVID-19) pandemiyasının yayılma təhlükəsi səbəbindən sərhədlərin bağlanmasına görə müvəqqəti olaraq (xidməti və şəxsi səfərlərlə əlaqədar) Qazaxıstanda qalmış dah

1 avqust

Azərbaycan Uşaq Qaynar Xətti xidmətinə bu qədər zəng daxil olub

Azərbaycan Uşaq Qaynar Xətti xidmətinə iyun ayında daxil olan zənglərin sayı açıqlanıb. . . . Sonxeber.az TED.az-a istinadən xəbər verir ki, "Azercell Telekom" MMC-nin dəstəyilə fəaliyyət göstərən Azərbaycan Uşaq Qaynar Xətt (AUQX) xidməti pandemiya dövründə də gərgin işini davam etdirir. B

1 avqust

Bakıda qurban payı üstündə qarşıdurma: Bir neçə nəfər ayaq altında qaldı - VİDEO

Bakıda bayram münasibətilə yardımın paylanılması zamanı sıxlıq və qarşıdurma yaranıb. . . Sonxeber.az Oxu.Az-a istinadən xəbər verir ki, bununla bağlı görüntülər sosial şəbəkədə yayılıb. . . Hadisə Xəzər rayonu Şüvəlan qəsəbəsində baş verib. . . Qarşıdurma zamanı bir neçə nəfər ayaq altına yıxılıb.

1 avqust

Yayda avtomobillər niyə yanır? - Ustalar səbəbləri açıqlayır - VİDEO

Son bir həftə ərzində Bakıda və rayonlarda təxminən 6-7 avtomobil yanıb. Bu hadisələr zamanı xəsarət alan olmasa da avtomobillərə külli miqdarda zərər dəyib. Belə hadislərə xüsusən də yay aylarında tez-tez rast gəlinir. Buna səbəb nədir? Avtomobilə vaxtında edilməyən texniki xidmət, yoxsa isti hava

1 avqust

Bakıda mobil postların sayı artırılır - VİDEO

Karantin rejimi qaydalarına nəzarət məqsədi ilə şəhər ərazisində mobil postlarda yoxlamalar davam edir. Reydlər zamanı həm sürücülər, həm də küçələrdə insanların karantin qaydalarına riayət etmələrinə polis əməkdaşları ciddi nəzarət edirlər. İcazəsiz çıxan sürücü və sərnişinlər cərimə olunur.. . Sonxeber.a

1 avqust

Bir gündə 53 nəfərin koronavirusa yoluxduğu məhəllədə son vəziyyət - VİDEOREPORTAJ

Yevlaxda aprelin son günlərindən qaraçıların yaşadığı küçələrdə virusa yoluxma halları qeydə alınmağa başlayıb. İlk günlərdə hətta ailələrdə yoluxanların sayı 10-15 nəfərə çatıb. Həmin küçə sakinlərinin qaydalara məhəl qoymaması orda may ayında vəziyyəti daha da gərginləşdirib. İyunun ortalarından is

1 avqust

Füzulidə sursat aşkarlanıb (FOTO)

Avqustun 1-i saat 10:31-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Füzuli rayonu, Mirzənağılı kəndi ərazisində 1 ədəd mərminin tapılması barədə məlumat daxil olub.. . ANAMA-dan Sonxeber.az-a verilən məlumata görə, Agentliyin xüsusi mobil çevik əməliyyat və partladıc

1 avqust

Azərbaycanda koronavirusla bağlı SON STATİSTİKA

Azərbaycanda koronavirusla bağlı son statistika açıqlanıb.. . Tibbi Ərazi Bölmələrinin İdarəetmə Birliyindən (TƏBİB) verilən məlumata görə, bu gün 7283 koronavirus testi edilib. Onlardan 279-u pozitiv çıxıb. Bununla da ölkə ərazisində indiyə qədər edilən koronavirus testlərinin sayı 732 236-ə çatıb

1 avqust

ETSN vətəndaşlara müraciət etdi

Xəbər verildiyi kimi 31 iyul tarixində Siyəzən rayonunun Sədan kəndi yaxınlığında ehtiyatsızlıq səbəbindən fermada baş verən və sonradan güclü külək nəticəsində böyük ərazini əhatə edən yanğın FHN-nin və ETSN-nin əməkdaşlarının səyi nəticəsində söndürülüb, alovun meşə ərazisinə keçməsinin qarşısı alınıb

1 avqust

vipemlak.az