Komanda yoldaşı Ronalduya görə karantinə alına bilər

İngiltərənin "Mançester Yunayted" klubunun futbolçusu Brunu Fernandeş 14 günlük karantinə alına bilər.

Sonxeber.az xəbər verir ki, səbəb onun Portuqaliya yığmasındakı komanda yoldaşı Kriştianu Ronaldunun koronavirusa yoluxmasıdır.

Britaniya hökumətinin təlimatlarına əsasən, koronavirus xəstəsi ilə təmasda olan şəxs ölkəyə qayıtdıqdan sonra 14 günlük karantinə alınmalıdır. Bu qaydanın portuqaliyalı oyunçuya şamil edilməmə ehtimalı da var. Belə olacağı təqdirdə, Fernandeş "qırmızı şeytanlar"ın heyətində qarşıdakı 4 oyunu buraxacaq.

Qeyd edək ki, Portuqaliya Futbol Federasiyası Kriştianu Ronaldunun koronavirusa yoluxduğunu ötən gün açıqlayıb. Yığma bu gün Millətlər Liqasının IV tur matçında İsveçi qəbul edəcək.

Telegramda izləyin

instagramda izləyin