Özünü "fərqli" "ağıllı", "insanpərvər" göstərmək istəyənlərin əlinə imkan düşüb - Mehriban Zeynalova

"Arada qarşıma müharibə əleyhinə çıxış edənlərin yazısı gəlir və sual edirəm bu humanizmidir, ya fərqli görünmək istəyi?
İkincidə daha çox dayanıram"

Bu sözləri "Təmiz Dünya" ictimai birliyinin rəhbəri, hüquq müdafiəçisi Mehriban Zeynalova sosial hesabında müharibə istəməyən, hamını sülhə səsləyən azərbaycanlılar barədə yazıb. O bildirib ki, elə mövqe ortaya qoyan insanlar humanist deyil:

"Onlar humanist olsaydılar birinci Qarabağ müharibəsində qadın və uşaqlarımıza qarşı edilən qeyri insani vəhşiliklərin hər saniyəsini elə özləri kimi "humanist" olan xaricdəki dostlarına bildirərdilər. Amma etməyiblər, heç yadlarına da düşməyib. Çünki, qanı qanından, canı canından olmayanlar idi o cür vəhşliklərlə üzləşmiş soydaşlarımız...

Mən humanizmi o vaxt dəstəkləyərəm ki, qarşımdaki qan tökülməmək üçün əlindən gələni etsin. Edibmi? mənə bir erməni göstərin ki, qana yox desin?

Niyə erməni atəşkəs dövründə Zəhraya və 43 uşağa güllə atdı? İnsənpərvər idimi o erməni sürüsü... Mən kiminsə torpağına girmirəm, kiminsə evini əlindən alıb içində rahat oturmuram, qarşı tərəf kimi uşaqlarıma doğulandan "öldür" öyrətmirəm. "Düşmən" sözlərini əzbərlətmirəm. Çünki mən körpələrimin ruhunun, təmizliyini qoruyub saxlayıb, onu çirkələndirmirəm...Mən sevginin ən ali hiss olduğunu aşılayıram. İndi kimsə, özünü "fərqli" "ağıllı","insanpərvər" göstərmək istəyirsə, əlinə imkan düşübsə özü bilər. Onsuz da hər dövrün öz bazarlıqlarını edənlər olub, olacaq.

Mən Gəncəni, Naxçıvanı, Tovuzu, Qazağı, Tərtəri, Bərdəni gözaltılayıb özünə yeni yerlər zəbt etməyi planlaşdıran erməninin ölümünə "uf" demirəm.

Mən, bunu şəhid gedən balaların ruhuna hörmətsizlik kimi qəbul edirəm. Çünki, onlar bu döyüşə sevə- sevə gedənlərdi. Torpaq həsrəti ilə, yurd həsrəti ilə".

Telegramda izləyin

instagramda izləyin