Avropa enerji təhlükəsizliyi enerji mənbələrini təhdid edən Ermənistana niyə susur ? - RƏY

Məlumdur ki, təmas xəttində vəziyyət gərginləşməzdən əvvəl Ermənistan açıq şəkildə Azərbaycanın vacib enerji infrastrukturunu - Mingəçevir su anbarını raket hücumları ilə təhdid edib.

Yaxın vaxtlarda Ermənistan Silahlı Qüvvələri Mingəçevir istilik elektrik stansiyasını (İES) da hədəf almışdılar.

Atılan raketlərdən biri İES-in qarşısına düşüb, lakin raket partlamayıb.

Mənfur düşmənlər həmçinin Bakı- Tbilisi-Ceyhan boru xəttini də təhdid altında saxlayaraq uğursuz raket atışı həyata keçiriblər.

Belə ki, işğalçı ölkənin silahlı qüvvələri 06.10.2020-ci il tarixdə saat 21 radələrində regionun ən böyük strateji layihəsi, Avropanın enerji təhlükəsizliyi sahəsində mühüm yer tutan Bakı-Tbilisi-Ceyhan neft kəmərini hədəfə almaqla kəmərin Yevlax rayon ərazisindən keçən hissəsinə raket zərbələri endirsə də, ordumuzun qətiyyətli tədbirləri nəticəsində həmin terror cəhdinin qarşısı alınıb.

Maraqlıdır, Azərbaycanın, eləcə də Avropanın enerji mənbələrini açıq- aşkar təhdid edən Ermənistana qarşı Avropa enerji təhlükəsizliyi niyə susur?

Bununla bağlı Sonxeber.az -a politoloq Qabil Hüseynli danışıb:

"Bakı-Tbilisi- Ceyhan, Tanap layihəsi, Bakı- Supsa neft kəməri xətti, Bakı- Tbilsi- Kars dəmir yolu xətti ciddi surətdə qorunur. Xüsusilə Bakı- Tbilisi- Ceyhan neft boru xətti Amerika və Böyük Britaniyaya məxsus olan, dünyanın ən böyük neft şirkətinin operatorluğu ilə qorunur.

Bildiyimə görə Amerikanın süni peyklərindən biri həmin xəttin marşrutuna daima nəzarət edir. Bəllidir ki, boru xəttinin qorunması xəbəri kifayət qədər mütəxəssis olan insanlara tapşırılıb.

Hələki hava hücumundan müdafiə qüvvələri Azərbaycanın şəhərlərinə, infrastrukturuna yönəlmiş raket hücumlarının qarşısını alır.

Ermənilər çox alçaq millətdirlər. Onlar yaxşı bilirlər ki, Sovet dövründə tikilən Mingəçevir su elektrik stansiyası partladılsa, aran rayonlarından bir neçəsi su altında qala bilər.

Onu da qeyd edim ki, bəndin partladılması elə də asan məsələ deyil. Çünki bənd kifayət qədər möhkəm tikilib və elə bir relyefdə yerləşir ki, Ermənistan istiqamətindən onun kordinatlarını vurmaq mümkün deyil. Bu saat ermənilərin bel sümüyü sındırılıb.

Hərdən BMT- nin baş katibi ermənilərin törətdiyi terror əməllərini pisləyir, amma ciddi təsir göstərə bilmir. Bəzən düşünülür ki, onlar susmaqda xristian təəssübkeşliyini nümayiş etdirirlər. İşğalçı ölkənin işğal etdiyi ərzilərdən qovulmasına yüz məna verirlər".

Şəlalə Babayeva

Telegramda izləyin

instagramda izləyin