Paşinyan Ermənistanın uğursuz "brendi", gülünc simasıdır-Özəl ŞƏRH

Hər kəsə məlumdur ki, Soçidə "Valday" Beynəlxalq Diskussiya Klubunun plenar sessiyasında Ermənistanın baş naziri Nikol Paşinyanın "Qarabağ Azərbaycandır...Ermənistandır və nöqtə" sayıqlamasından sonra o dünya ictimaiyyətinin gülüş hədəfindən yayınmayıb.

Bunun ardından hər kəsin nəzəri Nikol Paşinyanın çıxışlarına, gülməli əhvalatlarına yönəlib. BBC və digər tanınmış telekanallara verdiyi açıqlamalarda sərsəmləməyini davam etdirən Paşinyan bir müddət əvvəl telefon danışıqları ilə də gündəmə gəlib.

Azərbaycanla müharibə qaydalarına tab gətirməyərək Rusiya və digər həmsədr ölkələrdən kömək uman baş nazirin hər atdığı addım, dediyi hər söz artıq onu dünya ictimaiyyətinə öz əli və dili ilə ifşa etməkdədir.

Mövzunu Sonxeber.az-a politoloq Nəzakət Məmmədova şərh edib:

"Paşinyanın çıxışlarını izləyəndə, yazılarını oxuyanda görürük ki, o özü vaxtilə jurnalist işləməsinə baxmayaraq, fikrini yazılı və şifahi normal ifadə edə bilmir.
Digər tərəfdən, bu onun ölkəsinin sözügedən məsələdə haqlı mövqedə olmaması ilə də bağlıdır. Əgər tərəflərdən biri haqlı mövqedə deyilsə və iddiaları hüquqa əsaslanmırsa, nəyisə sübut etmək təbii ki, çox çətindir. Paşinyan buna görə çıxılmaz vəziyyətdədir. Çünki onun ölkəsi haqsız savaşın içərisindədir.

Ermənilər mənasız Miatsum adlı cəfəng bir ideologiyanı ortaya atıb və həmin avanturanın arxasınca 30 ildən çoxdur ki gedirlər. Artıq Ermənistanın öz mənasız, uydurma ideologiyalarını dünyaya sübut etmək imkanları çoxdan tükənib. Vaxtilə, bununla əlaqədar onlar "Ocaq" adlı bir kitab yazmışdılar. Azərbaycan onların ocağını söbdürüb. Onlar indi həmin sönmüş ocağın külü ilə oynayırlar.

Dünyanın gözü qarşısında haqsız mövqeyini qorumaq, çıxış etmək işğalçı bir ölkənin baş naziri üçün dediyimiz kimi, çox çətin məsələdir. Çünki onların yalanlarına, özlərindən başqa heç kim inanmır. Haqq sussa belə, hər kəs haqlı olan tərəfin kim olduğunu anlayır. Ölkəmizin prezidenti hansısa tədbirdə danışmasa, sussa belə, hamı bilir ki Azərbaycan dövləti haqlıdır. Ermənistanın baş naziri Paşinyan isə saatlarla çıxış etsə də, onun haqsız olduğu qısa vaxt ərzində görünəcək. Çünki ortada bizim tərəfimizdə olan hüquq, tarix və faktlar var.

Paşinyan erməni diasporunun köməyi ilə demokrat adı altında hakimiyyətə gəlib, məlumdur. Sonradan isə onun etdiyi hərəkətlərdən, verdiyi bəyanatlardan sonra maskası düşdü və əsl siması ortaya çıxdı. Şuşaya gəlib Azərbaycanı hədələmək, yallı getmək, "Qarabağ Ermənistandır, nöqtə" kimi cəfəng bəyanatlar onun əsl kimliyini sübut etdi. Prezident İlham Əliyev xalqa səsləniş müraciətində yaxşı dedi ki, də "indi yallı get, Qarabağ Ermənistandır" de, görüm deyə bilirsənmi?! İşğal və demokratiya heç vaxt bir arada ola bilməz. Özünü demokrat kimi sırıyan Paşinyanın işğalçı ölkənin baş naziri rolunda özünü heç də narahat hiss etmədiyi, əksinə, onun bundan öz ucuz piarı məqsədilə istifadə etməsi çox qısa zaman kəsiyində məlum oldu. Düşünürəm ki, başqasının torpağını işğal etmək və demokrat görünmək çox gülməli və ikiüzlülükdür. İşğalçı ölkənin baş naziri özünü məhz belə göstərməyə çalışırdı, amma alınmadı və indi onsuz da bərbad olan vəziyyəti daha da pisləşib. Bu günlərdə onun qızı Miriyamın sosial şəbəkələrdə yazdığı " bizim arzularımız puç oldu" fikri də bunu təsdiq edir.

Nikol Paşinyan hər dəfə beynəlxalq tədbirlərdə çıxış edən zaman elə beynəlxalq səviyyədə özünü ifşa edir. Onun durumunda olmaq yəqin ki, çox çətindir. Məğlub ordu, səfil ölkə, diaspora və Rusiyanın təzyiqləri arasında sıxışıb qalmaq, ən əsası isə güclü Azərbaycan və onun nüfuzlu lideri.Ölkəsinin haqsız tərəfdə dayanması, eləcə də, onun özünün şəxsi və işgüzar keyfiyətlərinin aşağı olması belə tragikomik vəziyyət yaradır.

Paşinyan savadsızdır, kamera qarşısında özünü itirir. Onda bir ölkənin baş nazirinə, siyasətçiyə lazım olan keyfiyyətlər yoxdur. Sanki bu insanı təsadüfdən siyasətə itələyiblər və o, gözünü açıb özünü kameralar qarşısında görüb, indi isə nə edəcəyini bilmir.

Bildirim ki, əgər ölkə haqsızdırsa, ən azı ölkənin baş naziri, siyasətçisi ikiqat artıq siyasi hazırlıqlı diplomat olmalıdır ki, mövqeyini əsaslandıra bilsin.

Napaleon dövründə Fransanın xarici işlər naziri olmuş Taleyran ölkəsi haqsız, məğlub ola ola o qədər mahir, hiyləgər diplomat olub ki, ölkəsini 1815-ci ildə konqresində qaliblərlə bir cərgədə oturtmağa nail olub.

Paşinyan onu hakimiyyətə gətirən qüvvələrin uğursuz seçimidir. Hazırda o Azərbaycanın güclü ordusu qarşısında məətəl qalıb, şokdadı, vəziyyətdən necə çıxacağını bilmir, geri qayıda eyni zamanda irəliyə də gedə bilmir. O, məğlub, haqsız Ermənistanın bariz nümunəsi, uğursuz "brendi", gülünc simasıdır.

Ermənistan dövləti, erməni diasporu və Ermənistanı himayə edən dövlətlər vəziyyətin belə olacağını hesaba almamışdılar. Onlar elə bilirdilər ki, 30 ildir necə olubsa, bundan sonra da belə olacaq. Lakin Azərbaycan bu planları pozdu. Bosniyalıların lideri Aliya İzzerbeqoviçin belə bir dəyərli fikri var idi. O, müsəlmanlara qarşı soyqırım edən serblərə, xorvatlara üz tutaraq demişdi ki, "Yer üzündə nə qədər xaç qurursunuzsa, qurun, başınızı qaldıranda hət zaman göy üzündə hilalı görəcəksiniz!" Bu gün biz öz torpağımızda o xaçları söküb-atdıq və göydəki ulduzların sayı qədər ay-ulduzlu bayrağımızı ucaltdıq hər yerdə. Bu gün o fikrə uyğun deyə bilərik ki, başınızı qaldıranda başınız üzərində bizim dronlarımızı, qarşınızda isə cəsur əsgərimizi görürsünüz!

Beynəlxalq təşkilatlar illər ərzində Azərbaycanın başının altına yastıq qoyub, danışıqlar adı altında vicdansızcasına regiona səfər edib, heç bir iş görməyib, ancaq yeyib-içib, erməni diasporasından milyonlar qoparıb, gediblər. Azərbaycan status-kvonu dəyişdi, sübut elədi ki, o, yatmış pələngdir, onunla belə davranmaq olmaz. Ermənistana və onun havadarlarına elə bir zərbə vurdu ki, onlar Azərbaycan əsgərinin vurulan zərbəsindən hələ də özlərinə gəlməyiblər. Səmimi deyirəm ki, həqiqətən ölkə prezidentimiz Ermənistanla müharibədə master-klass göstərdi. Bu Azərbaycanın prezidentinin həm savadlı olması, həm də ölkəmizin haqlı mövqeyi ilə bağlıdır.

Ermənilər onilliklər boyu yalsnçı qələbədən ruhlanıb eyforiyaya qapılmışdılar. Azərbaycan ordusu bunu hərb meydanda darmadağın etdi.
Bütün beynəlxalq təşkilatlar Azərbaycanı dəstəkləyiblər. Bu bizim uğurumuzdur. Ermənistanın tək üstünlüyü hərbi işğal nəticəsində nail olduğu məsələ idi. Bu gün Azərbaycan bunu da onun əlindən aldı. Paşinyanın artıq təqdim edib göstərməyə, deməyə heç nəyi yoxdur. Ermənilər boşluqda qalıblar. Onlar göyün yeddinci qatında idilər, Azərbaycan onları oradan yerə çırpdı.

Prezidentimiz özünü vətən uğrunda gedən savaşda hərbi, diplomatik cəhətdən müvəffəqiyyətli göstərə bildi. Paşinyan isə bunun tam əksi oldu. Paşinyan məğlub Ermənistanın, Əliyev isə haqq işi uğrunda mübarizə aparan qalib Azərbaycanın simvollarına çevriliblər.

Onu da bildirim ki, Ermənistan ordusu Qarabağ klanı və Rusiyaya tabedir. Paşinyanı isə erməni diasporu hakimiyyətə gətirib. Ermənistan erməniləri Rusiyaya bağlıdır, diaspor ermənilərinin onlara heç bir aidiyyatı yoxdur. Yəni onların dünyagörüşü başqadır, bir- birilərini qəbul etmirlər.
Ermənistan ordusu ona tebe olmadığı halda Paşinyan heç nə edə bilməz. Onun nəsə etməyə elə qabiliyyəti də yoxdur. Ona baş nazir kimi kameraların qarşısında danışmaq üçün diplomatiyanı həvalə ediblər. O isə bunu da düz-əməlli bacarmır.

Hadisələrin gələcəkdə gedişatı barədə onu qeyd edə bilərəm ki, Ermənistanda çox böyük qarışıqlıq olacaq. Ermənistan dövləti və erməni diasporu arasında böyük qarşıdurma olacaq. Eləcə də Nİkol Paşinyanla Qarabağ klanı arasında mübarizə dərinləşəcək.

Bütün bunlar Ermənistanda baş verə biləcək uğrusuzuqları bir- birinin üzərinə atmağa və hakimiyyət dəyişikliyinə səbəb olacaq.
Ən əsası odur ki, Azərbaycan Qarabağın Ermənistana birləşdirmək planını yerlə- yeksan edib. Bu xalqımız üçün çox böyük tarixi qələbədir. Bu qələbənin memarı gecə-gündüz bu yolda çalışan Ali baş komandan, cəsur, qeyrətli, qorxmaz Azərbaycan əsgəri, Azərbaycan xalqının Qarabağı bir an da olsa unutmaması, onun yolunda hər an ölümə belə getməyə hazır olmaq əzmidir".

Şəlalə Babayeva

Telegramda izləyin

instagramda izləyin