"Həmsədr ölkələr immitasiya xarakterli görüşlərlə Ermənistanı xilas etmək istəyirlər" - AÇIQLAMA

ATƏT-in Minsk Qrupunun həmsədrləri ilə Azərbaycan və Ermənistanın xarici işlər nazirləri Ceyhun Bayramov və Zohrab Mnatsakanyanın birgə görüşü keçiriləcək. Görüş oktyabrın 29-da Cenevrədə baş tutacaq.

Bununla bağlı Soxeber.az-a danışan politoloq Elxan Şahinoğlu bildirib ki, xarici işlər nazirlərinin oktyabrın 10-da Moskvada baş tutan görüşündəki nəticə necə idisə oktyabrın 29-da da eyni olacaq:

"ATƏT Minsk Qrupunun həmsədr ölkələri immitasiya xarakterli görüşlər keçirməklə Ermənistanı xilas etmək istəyirlər. Bunu bu gün ölkə başçısı xalqa müraciətində də qeyd edib. Amma bu alınmayacaq. Mənasız atəşkəs və danışıqlar bizim maraqlara cavab vermir. Biz işğalçıya daha çox zərbələr endirib, ərazilərimizi azad etməliyik. Bu, yeni reallıqdır. Yeni reallıqla da hələ ki, həmsədr ölkələr və böyük ölkələr hesablaşmırlar. Zaman keçdikcə, biz daha çox əraziləri azad etdikcə və erməniləri mühasirəyə aldıqca,onlar bu reallıqla barışmalı olacaqlar. Həmin ölkələr çağırış verəcəklər ki, Ermənistan silahlı qüvvələrini Dağlıq Qarabağdan çıxartsın və müharibə dayandırılsın. Əks təqdirdə, bu danışıqların və atəşkəsin heç bir mənası yoxdur. Çünki biz daha 30 il də gözləyə bilmərik".

Aysel Yusifqızı

Telegramda izləyin

instagramda izləyin