"Ermənilər bu addımları ilə bir daha özlərini biabır etmiş olurlar" - Deputat

"Ermənilərin Kəlbəcərdə pəncərə çərçivələrinə, sanitar qovşağına kimi söküb aparması və daha sonra evləri yandırması onların nə qədər acgöz, tamahkar və vəhşi millət olduğunu sübut edir".

Bunu Sonxeber.az-a açıqlamasında deputat İqbal Məmmədov bildirib.

Deputat qeyd edib ki, ermənilər insanlarımıza qarşı törətdikləri terrorla yanaşı həm də işğal etdiyi rayonlarımızda bioloji terrorlar törədiblər:

"Onlar abidələrimizi, məscidlərimizi, yaşayış evlərini dağıdıb, meşələrimizi yandırıb, flora və faunanı məhv ediblər. Bu gün Azərbaycan ordusunun qarşısında tab gətirməyərək biabırçı məğlubiyyətə uğrayan ermənilər Kəlbəcər və sülh yolu ilə azad edilən rayonlarımızı boşaldan zaman növbəti vandalizmə əl atırlar. Belə ki, sanitar qovşağına kimi söküb aparır, evi tam boşaltdıqdan sonra yandırırlar. Məqsəd isə son dəfə bizə zərər verməkdir.

Əlbəttə, 30 ildə və sentyabrın 27-dən bu günə kimi erməni vandallarının vurduğu ziyan müvafiq orqanlar tərəfindən hesablanacaq və Avropa beynəlxalq məhkəmələrinə təqdim ediləcək. Ermənilər vurduqları mənəvi və maddi zərərə görə cavab verməli və Azərbaycana kompensasiya ödəməli olacaqlar. Azərbaycan dövləti onsuz da ermənilərin dağıtdıqları evləri, abidələri, məscidləri yenidən bərpa edəcək, işğaldan azad etdiyimiz rayon və şəhərlərimizi cənnətə çevirəcək. Ermənilər sadəcə bu addımları ilə bir daha özlərini biabır etmiş olurlar".

Deputat vurğulayıb ki, digər maraqlı məsələ beynəlxalq təşkilatların və dövlətlərin növbəti erməni vəhşiliyinə göz yummasıdır:

"Əslində bu gözlənilən idi. Çünki 30 ildə torpaqlarımızın işğalda qalmasına və mövcud status-kvonun qorunmasına kömək edən həmin dövlət və təşkilatlarıdır. Bizi maraqlandıran əsas məsələ bu gün bütün torpaqlarımızın işğaldan azad olunması və həmin yerlərdə üçrəngli bayrağımızın dalğanmasıdır. Bu möhtəşəm qələbə sevincini bizə yaşatdığına görə Ali Baş Komandana və Azərbaycan ordusuna təşəkkür edir, şəhidlərimizə Allahdan rəhmət, yaralılarımıza isə şəfa arzulayıram".

Aysel Yusifqızı

Telegramda izləyin