"McDonald's"ın sirlərini açıb ÜRƏK BULANDIRDI - İşdən qovuldu - FOTO-VİDEO

Məşhur "McDonald’s" restoranlar şəbəkəsinin əməkdaşı olan "Kyyllaaaa" ləqəbli "TikTok" istifadəçisinin paylaşdığı maraqlı videolar 10 minlərlə bəyənmə toplayır.

BiG.AZ xarici mətbuata istinadən xəbər verir ki, dekabr ayının sonunda qız iş yerinin mətbəxini çəkərək, izləyicilərinə "McDonald’s"ın sirlərini açıb.

O, dondurma hazırlanan aparatının heç vaxt yuyulmadığını deyib və su çanağının pis vəziyyətdə olduğunu göstərib. Bloger mətbəxin ümumiyyətlə nadir halda (yalnız yoxlanışdan öncə) təmizləndiyini vurğulayıb.

Qız, həmçinin, qida məhsullarının çox vaxt istifadə tarixinin bitmiş olduğunu da deyib.

Video tez bir zamanda yayılaraq 12 milyondan çox izlənilib.

İzləyicilərin əksəriyyəti bir daha həmin restoranda yemək istəmədiklərini desələr də, şirkətin tərəfini saxlayanlar da olub. Bəziləri özlərinin də "McDonald’s"da işlədiklərini və iş yerinin çox təmiz olduğunu, hər şeyin rəhbərlikdən asılı olduğunu deyiblər.

Təbii ki, blogerin bu addımı diqqətdən yayınmayıb və video yayımlandıqdan bir gün sonra qız işdən qovulub. Bu barədə o, yeni videosunda xəbər verərək əlavə edib ki, mətbəxdə yerə düşən qablar yuyulmur, baş örtüklərindən isə ümumiyyətlə istifadə edən olmur.

Telegramda izləyin

instagramda izləyin