Dünyada neftin qiyməti niyə ucuzlaşır?- AÇIQLAMA

"Hazırda neftin qiymətlərinə təsir edən əsas amil pandemiya və onun fəsadlarıdır".

Bunu Sonxeber.az-a açıqlamasında enerji eksperti Zəfər Vəliyev söyləyib.

Ekspert bildirib ki, karantin tədbirlərinin yenidən sərtləşəcəyi təqdirdə neft və neft məhsullarına olan tələb yenidən aşağı düşəcək ki, bu da qiymət enmələrinə səbəb ola bilər: "Son bir neçə gün ərzində neftin qiymətində müşahidə edilən ucuzlaşmanın səbəbinə gəldikdə isə bu Hindistandakı vəziyyyətlə birbaşa olaraq bağlıdır. Bazar iştirakçılarının ilkin hesablama və rəylərinə görə yoluxma dinamikası bu qaydada davam edərsə Hindistanda maye karbohidrogenlərə olan tələbat gündəlik 900 min barel aşağı düşəcək. Neft istehlakına görə dünyanın ikinci ölkəsi olan Hindistanda yoluxma halları artarsa qiymətlər bir qədər də ucuzlaşa bilər".

Telegramda izləyin

instagramda izləyin