Professor tələbənin uşağını qucağında saxlayıb DƏRS KEÇDİ - FOTO

Seneqalın Kaolak şəhərində universitet professoru olan Labali Ture tələbələrinə məruzəni qucağında körpə uşaqla edib.

Sonxeber.az BiG.AZ-a istinadən xəbər verir ki, o, fotolarını özünün "Twitter" səhifəsində paylaşıb.
Belə ki, tələbələrdən biri dərsə uşaqla gəlmək məcburiyyətində olduğu üçün professor ona dəstək göstərmək istəyib.

"Uşaqlı tələbə xanımı gördükdə dərhal ona kömək etmək qərarına gəldim və dərs müddətinə körpəni ondan alıb özüm saxladım, çünki qucağında uşaq olduğu halda o, fikrini toplaya bilmirdi. Aydın məsələdir ki, qadının uşağı yanında qoymağa adamı olmayıb", - deyə professor aydınlıq gətirib.

Cəmi 2 günə bu paylaşım 100 mindən çox bəyənmə toplayıb.

Turenin sözlərinə görə, bu paylaşımıyla o, analıqla eyni zamanda təhsil almağın problemlərinə diqqət çəkməyə çalışıb. Profesor hesab edir ki, müəllimlər və universitet ikiqat yüklənən gənc valideynlərə dəstək olmalıdırlar.

Ture, həmçinin, qeyd edib ki, gənc anaların çətin vəziyyətdə olması Seneqalda daha bir problemi üzə çıxarır: burada uşaq bağçaları və dayə tutmaq bahadır və hər kəs bu xidmətlərdən yararlana bilmir.

Telegramda izləyin

instagramda izləyin