Onların həbsi bizim azadlığımızdır - Həbs edilən vəzifəli şəxslərin SİYAHISI

Kimlərin həbsi bizələrə azadlıq olub?

Sonxeber.az həmin şəxslərin siyahısını təqdim edir:

Generallar

Sabunçu Rayon Məhkəməsinin qərarı ilə ləğv olunmuş Milli Təhlükəsizlik Nazirliyinin (MTN) yüksək rütbəli sabiq məmuru Akif Çovdarov 2015-ci ilin dekabrın 14-də 12 il müddətinə həbs edilib.

Ləğv edilən Milli Təhlükəsizlik Nazirliyinin generalları Şıxəliyev Mövlam və Nizami Şirinov. Bu generallar vəzifə səlahiyyətlərini aşma və sui-istifadə etdikləri üçün 2021-ci il 5 apreldə həbs ediliblər.

Bakı Hərbi Məhkəməsində Dövlət Sərhəd Xidmətinin sabiq rəis müavini, general-leytenant Əfqan Nağıyev. Əfqan Nağıyev Dövlət Sərhəd Xidmətinin (DSX) Sahil Mühafizəsinin vəzifəli şəxslərinin qanunazidd əməllərinin aşkarlanması nəticəsində 2020-ci il 16 mayda həbs edilib.

Beyləqan hərbi birləşməsinin keçmiş komandiri general-mayor Mahmud Həmzəyev 2014-cü il 15 mayda həbs olunub.

General leytenant Rövşən Əkbərov. Rövşən Əkbərov Bakı və Şəmkir korpuslarının komandiri olub.2020-ci ildə Zakir Həsənovun əmri ilə vəzifəsindən azad olunaraq ehtiyata buraxılıb. 2021-ci il 15 martda isə həbs olunub. O, qəsdən adam öldürmək ittihamı ilə saxlanılıb.

Azərbaycanın sabiq əmək və əhalinin sosial müdafiəsi naziri Səlim Müslümov vəzifə səlahiyyətlərindən sui istifadə və külli miqdarda rüşvət alma maddələri ilə 2021-ci il 14 fevralda həbs olunub.

İcra başçıları

Şəmkir rayon icra başçısı Alimpaşa Məmmədov dövlət əmlakını mənimsəmə, vətəndaşların hüquqlarına zərər vurulması və s. maddələrlə 2021-ci il 29 apreldə həbs edilib.

Biləsuvar rayon keçmiş icra başçısı Mahir Quliyev vəzifə səlahiyyətlərindən sui-istifadə və vətəndaşlara zərər vurma maddələri ilə 2020-ci il 29 avqustda həbs edilib.

Neftçala Rayon İcra Hakimiyyətinin sabiq başçısı İsmayıl Vəliyev 2020-ci il 22 fevralda həbs edilib.

Ağstafa rayonunun icra başçısı Nizaməddin Quliyev 2019-cu il 18 dekabr tarixində rüşvət alarkən cinayət başında saxlanılıb. Ondan bir gün sonra isə Yevlax rayonunun sabiq icra başçısı Qoca Səmədov həbs edilib.

Qobustan rayonunun keçmiş icra başçısı Rafiq Alışov 2013-cü il 29 avqustda həbs edilib.

1992-1993-cü illərdə Gədəbəyin icra başçısı olan Saleh Rüstəmov Rusiyada qanunsuz sahibkarlıqla məşğul olmaqda və AXCP-ni maliyyələşdirmək yoluyla çirkli pulları yumaqda ittiham edilib. 2019-cu il 27 fevral tarixində isə həbs edilib.

Cəlilabad Rayon İcra Hakimiyyətinin sabiq başçısı Namiq Zeynalov 2020-ci il 9 dekabrda həbs edilib.

Gördüyümüz kimi, heç birinin əməli bir-birindən fərqlənmir. Hamısı vətəndaşın haqqına girməkdə, dövlətin əmlakını mənimsəməkdə, rüşvət almaqda, vəzifə səlahiyyətlərindən sui istifadə etməkdə və s. ittiham olunub. Dövlətin malını talayan, insanların haqqına girən, dövlətin mənafelərinə zidd hərəkət edən digər vəzifəli şəxsləri də bu siyahıda görək.

Aytəkin Cəlali

Telegramda izləyin

instagramda izləyin