Bütün avtobuslarda vahid ödəniş sistemi tətbiq edilməlidir-Ekspert

"Bu ilin yanvar ayından avqustun 20-dək Bakıda sərnişindaşıma ilə məşğul olan 3480 avtobus sürücüsünə inzibati protokol tərtib edilərək cərimə olunublar".
Bunu Sonxeber.az-a açıqlamasında Bakı şəhər DYP-nin şöbə rəisi Vaqif Əsədov deyib.

Yol-nəqliyyat məsələləri üzrə ekspert, hüquqşünas Ərşad Hüseynov Sonxeber.az-a açıqlamasında il ərzində sərnişindaşıma ilə məşğul olan 3480 avtobus sürücülərinin cərimələnməsinin sərnişinlər üçün təhlükəli olduğunu deyib.

Onun sözlərinə görə, avtobusların intizamsızlığı ilk növbədə sərnişinlər üçün olduqca həyati təhlükə daşıyır.

"Bu sahədə intizamın gücləndirilməsinə ehtiyac var. Bütün şəhərdaxili avtobuslarda vahid ödəniş sisteminə keçmək lazımdır ki sürücü işinin "20" qəpik uğrunda mübarizə aparmasın. Onların gec çatıb çoxlu müştəri götürmək kimi düşüncələri olmamalıdır. Dayanacaq avadanlıqlarının yerinin düzgün təyin olunmasına diqqət artırılmalıdır".-deyə Ə.Hüseynov vurğulayıb.

Aysel

Telegramda izləyin

instagramda izləyin