Kamilla Məmmədzadə "Azerbaijan Best Awards" mükafatına layiq görüldü - FOTOLAR

13 iyul Buta Palace’da keçirilən möhtəşəm "Xarıbülbül" Mükafatlandırma tədbiri Mirtalıblı Groupun rəhbəri Ləman Mirtalıblının imzasını daşıyır. Böyük qələbəyə həsr olunmuş "Xarıbülbül" mükafatı müharibə boyunca ölkəmiz üçün əlindən gələni edən, bir an belə dəstəyini əsirgəməyən vətənin layiqli oğul və qızlarına təşəkkür üçün təsis olunmuşdur. Böyük zəfərimizə həsr olunan tədbirdə həmçinin bir sıra şəxslər "Azerbaijan Best Awards" mükafatı ilə təltif edildi. Eyni zamanda "Azerbaijan Best Awards" jurnalının təqdimatı da məhz həmin gecə baş tutdu. Tədbirdə "Azerbaijan Best Awards" mükafatına layiq görülən adlardan biri də Kamilla Məmmədzadə olmuşdur. Xalq artisti Flora Kərimova, əməkdar incəsənət xadimi Fəxriyyə Xələfova, əməkdar artistlər Gülüstan Əliyeva və Mətanət İsgəndərli, sevilən ifaçılar Roza Zərgərli, Azəriqızı Günel, Habil Əhmədov, Elnar Xəlilov kimi sevilən simalarla eyni səhnəni paylaşan Kamilla könül oxşayan səsi ilə ingilis dilində Azərbaycan mahnısını ifa edərək səhnədə göstərdiyi möhtəşəm performansı ilə tədbirin açılışını edərək yaddaşlarda iz buraxmağı bacardı. Tədbirdə Kamillanı Mədəniyyət kanalının direktor müavini Bəhruz Niftəliyev qonaqlara təqdim etdi. Kamilla 2021-ci il 29 iyunda İstanbulda keçirilən "Türkiyə Kaliite Ödülleri" tərəfindən "En iyi Çocuk Şarkıcı" mükafatına, 2021-ci il 30 iyunda "Golden Palm Awards" mükafatına layiq görülmüşdür. Aldığı mükafatlar və qazandığı uğurlar ilə çoxlarının həsəd etdiyi Kamillanın yeni mükafatlandırmalarda qarşımıza çıxacağını bilirik. O, uğur yolunun hələ başlanğıcındadır, inanırıq ki, Kamilla hələ çox uğurlara imza atacaq, biz də bu yolda ona müvəffəqiyyətlər arzu edirik.

Telegramda izləyin