Hansı adət-ənənələrimiz ləğv olunmalıdır? - AÇIQLAMA

İstiqamət: Azərbaycanın dövlətçilik tarixinin, milli adət-ənənələrinin, elm və mədəniyyətinin təbliği: dövlət müstəqilliyimizin bərpasının 30-cu ili -Azərbaycan dövlətçiliyi müasir mərhələdə

Ümummilli lider Heydər Əliyevin dediyi kimi, "yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf edəcək, mədəniyyət bəşəriyyətin topladığı ən yaxşı nümunələrlə xalqları zənginləşdirir". Bəs bizim artıq "köhnələn" və zamanəmizə uyğun olmayan adət-ənənələrimiz varmı?

Bununla bağlı sosioloq Əhməd Qəşəmoğlu Sonxeber.az-a açıqlama verərək adət-ənənələrimizin hər zaman qorunub saxlanmalı olduğunu qeyd edib:

"Mənim bununla bağlı konkret hazırladığım konsepsiyalar var. Onları "tərəqqi konsepsiyaları" adlandırıram. Yəni ölkədə tərəqqinin baş verməsi üçün 3 mühüm şərt gərəkdir: əhalinin fiziki sağlamlığı yaxşılaşdırılmalı, mənəvi zənginliyi yüksəlməli, insanlarda əməyə yaradıcı münasibət təlabatı artmalıdır. Bu 3 şərt qarşılıqlı olaraq yerinə yetəndə ölkədə tərəqqi baş verir.

O adət-ənənələrimiz ziyanlıdır ki, əhalinin fiziki sağlamlığına zərər gətirmiş, mənəvi zənginləşməsinə mane olmuş və əməyə yaradıcı münasibət təlabatının artmasının qarşısını almış olsun. Bir sözlə, 3 şərtə mane olan adət-ənənələrimiz ziyanlıdır. Əksinə, bu 3 şərtin daha da yüksək səviyyədə yerinə yetməsinə kömək eldən adət-ənənələrimizi, hətta unutdulmuş olsalar da, yenidən bərpa etməliyik. 100-200 il bundan əvvəl olubsa belə, bərpa olunmalıdır ki, 3 şərtə kömək etsin.

Adət-ənənələrimiz ləğv olunmamalıdır.

Adət-ənənələrin ləğv olunması bir xalq üçün ən böyük zərbədir. Xalqın bütün gücü onun mədəniyyət sistemindədir.

Bir xalqı, ölkəni dağıtmaq üçün indiki zamanda ən ciddi istifadə olunan metodlardan biri onun mədəniyyət sistemini dağıtmaqdır.

Adət-ənənələr burada mühüm rol oynayır. Ona görə də öz adətlərimizi dediyim meyyarlar baxımından araşdırmalıyıq. Vurğuladığım 3 şərtə kömək edənləri daha da gücləndirməli və genişlənməsi üçün şərait yaratmalıyıq".

Material Azərbaycan Respublikası

dəstəyi ilə hazırlanmışdır.

ZAİRA AKİFQIZI

Telegramda izləyin

instagramda izləyin