"Squid Game" serialına baxan işçilər etiraza başladı: Haqqımızı verin

Cənubi Koreyada işçilər kütləvi etiraz aksiyalarına başlayıb.

Sonxeber.az AZXEBER.COM-a istinadən xəbər verir ki, Cənubi Koreyada 80 min işçi Netflix-in ən çox izlənilən serialı olan "Squid Game"in mövzusu ilə aksiya keçirib. Minimum əmək haqqının artırılmasını tələb edən işçilər iş şəraitinin yaxşılaşdırılmasını tələb ediblər.

Cənubi Koreyada minlərlə işçi işçilərin hüquqlarının yaxşılaşdırılması tələbi ilə tətilə çıxıb. Cənubi Koreya Həmkarlar İttifaqları Konfederasiyasının təxminən 80 min üzvü Cənubi Koreyanın 13 fərqli şəhərində aksiya keçirib.

İşçilərindən biri bildirib ki, "Squid Game" serialında olduğu kimi ölkənin əksər hissəsi gəlir bərabərsizliyi səbəbindən sağ qalmaq üçün mübarizə aparır. İşçilər qeyd ediblər ki, borcu olan insanlar serialdakı kimi pul mükafatı almaq üçün ölümcül oyunlar oynayırlar. Onların həyatlarında oxşarlıq olduğunu vurğulanıb. International qəzetində dərc olunan bir məqaləyə görə, Cənubi Koreyada işçilər həftədə orta hesabla 55,6 saat işləyirlər. Bu, İƏİT üzv ölkələrində həftəlik iş saatlarının orta sayından (32,8) yüksəkdir.

Qeyd edək ki, mitinq ölkənin yalnız səkkiz nəfərə qədər tam peyvənd edilmiş insanın toplaşmasına icazə verən ciddi sosial qaydalarını açıq şəkildə pozub.

Telegramda izləyin