Gəlin toy gecəsi baş ağrısından şikayətləndi - Səhər ÖLDÜ - FOTO

Malayziyada faciə baş verib: sevdiyi şəxslə ailə quran qız toy gesəsi baş ağrısından şikayətlənib. səhəri gün isə vəfat edib.

BiG.AZ "AsiaOne"a istinadən xəbər verir ki, 25 yaşlı Siti Sərəf İsmayıl və həmyaşıdı Məhəmməd Əmirul Əkməl Məhd Əziz oktyabrın 23-də ailə qurublar.

Bəyin sözlərinə görə, həmin gecə saat 3 radələrində Sərəf onu yuxudan oyadıb və başının çox ağrıdığını deyib. Lakin bir müddət sonra sakitləşib və yuxuya gedib.

Məhəmməd səhər oyananda yoldaşının hələ də yatdığını düşünərək, narahat etmək istəməyib. Amma sonradan onun boğulduğunu görüb və təcili tibbi yardım çağırıb.

Dərhal xəstəxanaya çatdırılan Sərəfin həyatını xilas etmək mümkün olmayıb. Yarılma zamanı məlum olub ki, o, beyninin sağ hissəsindəki qanaxma səbəbindən dünyasını dəyişib.

Yeni ailə qurub, dul qalan gəncin bildirdiyinə görə, yatmadan öncə xanımı ona bu sözləri deyib:

"Əzizim, artıq biz evliyik və sən ailəmizin hər bir üzvünün qayğısına qalmalısan".

Qeyd edək ki, oxşar hadisə Misirdə də baş verib: gəlin toyundan cəmi bir saat sonra ürək tutmasından dünyasını dəyişib.

Telegramda izləyin