2030-cu ildə bu şəhərlər su altında qala bilər…

Moderator.az xəbər verir ki, "The India Times" qəzeti 2030-cu ildə Yer üzündən suda bataraq yox ola biləcək şəhərlərin siyahısını hazırlayıb. Siyahı Climate Central iqlim təşkilatının xəritəsindəki məlumatlar əsasında tərtib edilib.

Birinci yerdə Amsterdamın adı çəkilir. Siyahı müəlliflərinin fikrincə, hollandların daşqından necə qorunmağı öyrənmələrinə baxmayaraq, qlobal istiləşmə nəticəsində şəhər su altında qalacaq.

Siyahıda ikinci yerdə Fars körfəzinə tökülən Şatt əl-Ərəb çayı üzərində yerləşən İraqın liman şəhəri Bəsrədir. O, bataqlıq ərazidə yerləşir və 2030-cu ilə qədər qismən və ya tamamilə su altında qala bilər.

Üçüncü yerdə bənd sisteminə baxmayaraq, iqlim dəyişikliyinin təsir göstərə biləcəyi Yeni Orleandır. Siyahını tərtib edənlər dördüncü yerdə 118 ada üzərində yerləşən və ildə iki millimetr su altına gedən Venesiyanı görürlər.

Yeri gəlmişkən, daha əvvəl məlum olmuşdu ki, qlobal istiləşmə və dəniz səviyyəsinin qalxması səbəbindən Kiribati, Tuvalu və Marşal adaları kimi ölkələr su altında qala bilər. Bununla yanaşı, təbii fəlakətlərin artması problemləri artıq insanların həyatını və kənd təsərrüfatını təhlükəyə atır.

Telegramda izləyin