"Squid Game"dəki nabatın RESEPTİ - Cəmi 2 inqrediyent və 5 dəqiqə - VİDEO

"Netflix" istehsalı olan və qısa zamanda dünyanı fəth edən "Squid Game" filmində göstərilən nabatın əslində çox sadə resepti var.

BİG.AZ bu gün oxuculara bu məşhur şirniyyat haqqında danışacaq.

9 hissədən ibarət film nümayiş olunduqdan sonra Koreyanın hər bir sakininə uşaqlıqdan tanış olan, "Dalgona Candy" adlalan nabat bütün dünyada tanınıb. Hətta sosial şəbəkələrdə "Dalgona Candy" çellenci də yayılıb.

Onun iştirakçıları şirniyyatı hazırlayıb, film qəhrəmanları kimi, üzərindəki fiqurları iynə ilə sındırmadan çıxarmağa çalışırlar.

Bəs bu nabat necə hazıranır?

Lazım olan ərzaqlar: 2-3 qaşıq şəkər tozu və bir çimdik soda.

İlk öncə şəkəri dəmir çömçədə vam xodda, taxta çubuqla qarışdıraraq əritmək lazımdır.

Şəkər qızılı rəngə çaldıqda ocağın üzərindən çəkib, bir çimdik soda əlavə olunur və bir az da qarışdırılır.

Qarışım perqament kağızının ("kalka") yaxud kiçik silikon xalının üzərinə tökülür. Üstünə "kalka" qoyulub boşqab (qazan), yaxud oxlovla düzləşdirilir.

Daha sonra kağızı çəkib, nabatın üzərinə istənilən fiqur və ya təsvir həkk olunur.

Bu qədər sadə! Ümid edirik, siz də fiquru qırmadan çıxara biləcəksiniz :) Lakin ehtiyatlı olun, çünki bu nabatı bişirərkən yananlar da olub.

Nuş olsun!

Telegramda izləyin