Bu qız 11 il yalnız NAGGETS yeyib - Qeyri-adi XƏSTƏLİK - FOTO

Britaniyalı Cessika Tompson 11 il yalnız toyuq naggetsi ilə qidalanıb.

Sonxeber.az BiG.AZ-a istinadən xəbər verir ki, bu, nadir patologiya ilə bağlıdır.

Belə ki, Cessika yaş yarımlıq olanda bütün yeməklərdən imtina etməyə başlayıb. O, yalnız naggetslərə "yox" deməyib.

"Əvvəllər qızım uşaq sıyıqları yeyirdi, başqa qidalara da keçdi və müəyyən vaxtadək hər şey yaxşı idi, lakin sonradan yalnız bizdən naggets istəməyə başladı", - deyə qızın anası etiraf edib.

Bundan başqa, qadın qeyd edib ki, qızı arada 1-2 ədəd xırtıldayan kartof və un məmulatları yeyib, lakin çox az miqdarda.

İnsanlar zamanla düzələcəyini deyərək, valideynlərə uşağa heç nə verməməyi tövsiyə ediblər və onun acdıqda özünün başqa yeməklərdən yeyəcəyini iddia ediblər. Lakin uşaq acından ölməyə razı olub, başqa şey yeməkdən imtina edirdi.

Tibb mütəxəssisləri yekdilliklə bildirirdilər ki, uşaq sadəcə inadından belə edir və valideynləri onun hər "nazıyla oynadıqları" üçün qız sadəcə bir yeməyə alışıb.

Hipnoterapevt isə uşaqda xəstəliyinin olduğunu deyərək maraqlı diaqnoz qoyub. Bu xəstəlik nəticəsində Cessika yeməklərini ölçü, rəng və ətrinə görə seçir. Adətən bu patologiya gənc yaşlarda müşahidə olunur və zamanla keçir.

Uşaq bir kurs müalicə aldıqdan sonra digər yeməklərə keçə bilib.

"O, hər şeyi sevmir. lakin digər qidaları qəbul etməsi əsl nailiyyətdir", - deyə qızın anası bildirib.

Telegramda izləyin