UĞURLU İNSANLAR niyə eyni paltarları geyinirlər ?

Mark Zukerberq, Stiv Cobs, Barak Obama kimi dünyanın ən uğurlu insanlarının niyə həmişə eyni paltarları geyindiyini fikirləşirsinizmi?

Müasir dövrdə insanların moda sevgisinə rəğmən, "kapsula qarderob" hərəkatı sürətlə yayılmağa başlayır. "Kapsula qarderob"un əsas təməl prinsipi, həmişə 10-15 ədəd eyni paltarı geyinməkdən ibarətdir. Bu axımı ən çox mənimsəyənlər isə daha çox siyasətçilər və uğurlu insanlardır.

Lent.az xarici KİV-ə istinadən sizə bunun maraqlı səbəblərini təqdim edir:
1. Daha əhəmiyyətli mövzularda daha yaxşı qərarlar vermək

Məsələn, ABŞ-ın eks prezident Barak Obama yalnız boz və mavi kostyum geyinir. O, bu barədə "Gördüyünüz kimi, geyindiyim kostyumlar yalnız mavi və boz rəngdədir. Qərar verməli olduğum şeylərin sayını azaltmağa çalışıram. Nə yeməyim və ya nə geyəcəyim haqqında düşünüb qərarlar vermək istəmirəm, çünki bunlar xaricində daha vacib qərarlar vermək məcburiyyətindəyəm", deyə qeyd edib.

Mark Zukerberq də oxşar səbəbi deyərək; "Səhərlər verilməyən bir mənasız qərar belə həqiqətən vacib şeylər üzərində veriləcək daha yaxşı qərarlara yol açır", deyir.

Qeyd edək ki, bir müddət öncə Mark Zukerberq qarderobunun şəklini öz şəxsi "facebook" hesabından paylaşmışdı.

2. Boşa xərclənən zamana qənaət etmək

Qənaət etməyə başlayana qədər bu tip mövzuların bizim üçün nə qədər böyük bir yük olduğunu əslində çox anlaya bilmirik. Tətbiqə başladığımız zaman isə bir anda sanki yeni bir həyata başlamış, ya da daha çox boş zamanımızın olduğunu hiss etməyə başlayırıq. Digər tərəfdən, qarderobumuzu pəhrizə oturda bilsək, sadəliyi və sadəliyin gözəlliyini kəşf etməyə başlayırıq.

3. Daha az stress

Nyu-Yorkda yaşayan bədii rəhbər Kahl, eyni paltarları geyinməyin ən böyük səbəbini özünü daha rahat hiss edə bilməsi olaraq göstərir. Bundan əlavə, "Səhər nə geyinəcəyimə qərar vermək məcburiyyətində olmadığım üçün, günün davamında stressi daha az hiss edirəm. Bu sayədə 'Bu çox rəsmidirmi? Gedəcəyim yer üçün bu paltar uyğundurmu? Geyimlər çoxmu qısadır? kimi sualları soruşma ehtiyacı duymuram"- deyə bildirib. Matilda Kahl ən çox istifadə etdiyi iki paltarı var: ipək ağ köynək və qara şalvar

4. Acgöz olmadan modaya uyğun geyinmək

New Yorkda yaşayan yazar Alice Gregory də keçən il bu axına qoşulanlardandır. Bu dəyişikliyin əslində çox ikonik olduğunu vurğulayır. Möhtəşəm görünməyin ucuz və ən asan yolunun bu olduğunu ifadə edir.

5. Gərəksiz xərclərdən azad olmaq
Orta hesabla bir Amerikan ailənin illik qarderob xərcləməsi 1700 dollardır. Qulağa çox gəlməsə də əslində ehtiyacımız olmayan çox şeyi aldığımız üçün etdiyimiz bu tip xərclər əslində gərəksizdir. 1930-cu ildə bir Amerikan qadının qarderobunda olan paltar sayı ortalama 9 idi. İndi isə hər ay üçün orta hesabla 30 paltardan bəhs edilir. Kapsula qarderobla yaşamağın ən böyük qatqısı isə insanları gərəksiz xərclərdən xilas etməkdir.

Telegramda izləyin