"Sonsuzdur" deyirdilər, 50 kilo arıqlayıb hamilə qaldı - FOTO

İngiltərənin Havant şəhərinin sakini, sonsuzluq diaqnozu qoyulan Ella Marş 50 kiloqram arıqladıqdan sonra hamilə qalıb.

Sonxeber.az BiG.AZ-a istinadən xəbər verir ki, bu barədə "Daily Mirror" yazır.

Belə ki, 26 yaşlı Marş və onun 25 yaşlı həyat yoldaşı Dilan son 6 il ərzində valideyn olmaq arzusuyla yaşayıblar, lakin həkimlər qadının təbii yolla hamilə qalmaq ehtimalının 1%-dən də az olduğunu bildiriblər. Onlar Ellaya arıqlamağı məsləhət görüblər, lakin çəki atdıqda da övlad sahibi olacaqlarına dair zəmanət verməyiblər.

Uşaqlıqdan ana olmaq arzusuyla yaşayan Marşı bu xəbər məyus etsə də, onu dəyişilməyə vadar edib.

Qadın qohumlarının köməyi ilə 10 min funt sterlinq yığaraq mədə kiçiltmə əməliyyatı etdirib və bir ilə 50 kiloqram çəki atıb.

Arıqladıqdan sonra Ella ekstrakorporal mayalanma üçün həkim qəbuluna yazılıb, lakin cəmi iki həftə sonra təbii yolla hamilə qalıb.

Bu yaxınlarda cütlüyün qız övladı dünyaya gəlməlidir.

Ella təbii yolla hamilə qala biləcəyinə inamını artıq itirdiyi anda arzusunun nəhayət gerçəkləşdiyi üçün özünü xoşbəxt hiss etdiyini etiraf edib.

Telegramda izləyin