İti zürafəyə, pandaya, tülküyə çevirib məşhurlaşdı - FOTO-VİDEO

İllərlə ev heyvanlarına bərbərlik edən 29 yaşlı ABŞ sakini Qabriyel Feytoza güclü fantaziyası, kerativliyi və bacarıqları ilə seçilir.

Sonxeber.az BİG.AZ-a istinadən xəbər verir ki, o, itləri digər heyvanlara oxşadaraq görənləri təəccübləndirməyi bacarır.

Belə ki, uşaqlıqdan bu heyvanlara qarşı xüsusi məhəbbət və qayğı göstərən Qabriyel böyüdükdə də həyatını onlarla bağlamaq qərarına gəlib.

Bu sahədə təlim keçdikdən sonra Feytoza tez bir zamanda özünə iş tapıb və daimi müştərilər qazanıb.

Kreativ obrazlar yaratmaq üçün o, emojilər və videooyun qəhrəmanlarından ilham alır.

Bərbər öz "əl işlərini" çəkərək "TikTok" və "İnstagram"a yerləşdirir.

Onun ən çox baxılan paylaşımlarından birində Kuper ləqəbli it Qabriyelin əllərində zürafəyə "çevrilir". Bu və digər videolar tez bir zamanda yayılaraq Feytozanı məşhurlaşdırıb.

Qabriyelin daha çox əl işlərini onun "TikTok" və "İnstagram" səhifələrindən izləyə bilərsiniz.

Bəs siz bu kreativliyə necə baxırsınız?

Telegramda izləyin