Şimali Koreyada bu səbəbdən 7 nəfər edam edildi

Cənubi Koreyanın İnsan Haqları Qrupu ("Transitional Justice Working Group") baş tutan edamlarla bağlı hesabat yayıb.

Sonxeber.az Axşam.az-a istinadən xəbər verir ki, hesabatda Şimali Koreyada son 10 ildə azı 7 nəfərin k-pop videolarına baxdığı üçün həyatının sonlandırıldığı ilə bağlı statistika yer alıb.

"The New York Times" qəzetindəki xəbərə görə, mərkəzi Seulda yerləşən qurum 2015-ci ildən bəri Şimali Koreyanı tərk etmiş 683 nəfər arasında sorğu keçirib. Məlum olub ki, Kim Jong-unnun hakimiyyəti dövründə ən azı 23 nəfər edam edilib.

Şimali Koreya liderinin k-pop videolarını izləyənləri ölümlə cəzalandırmasını bu tip əyləncələrin beyinləri zəhərlədiyi ilə əlaqələndirdiyi bildirilib. Ölkənin informasiya baxımından təcrid olunduğu üçün rəqəmlərin daha çox ola biləcəyi də istisna edilməyib.

Qeyd edək ki, Şimali Koreyada bu il qüvvəyə minən qanunla Cənubi Koreyaya məxsus əyləncə məzmunlu paylaşımlar edənlər edam oluna bilər. Bu səbəbdən ötən ay "Squid Game" serialının surətini Şimali Koreyaya gətirən ölkə vətəndaşı, lisey şagirdi edam cəzasına məhkum edilib.

Telegramda izləyin