Dünyanın ən amansız 5 CANİSİ: Ədəbiyyat müəllimi, "əsrin adamı", "tanrı oyunu" quran həkim... - FOTO

Onlar dünyanın ən amansızlarıdır. Bəşər tarixinin ən canilərindən bəhs edəcəyik. 53 nəfərin qətlində təqsirli bilinən seriyalı qatil Andrey Cikatilo, karyerası boyunca 250 adamı öldürdüyü təxmin edilən həkim Harold Şipman və daha bir çoxları...

Sonxeber.az bəşər tarixinin 5 ən amansız seriya qatilini sizlərə təqdim edir:

Andrey Çikatilo

Ukrayna əsilli sovet seria qatili 1978-1990-cı illər arasında 53 nəfərin qətlinə görə məsuliyyətə cəlb olunmuşdu. Özünü və anasını alman əsgərləri bir neçə dəfə zorlamışdılar. İxtisasca ədəbiyyat müəllimi idi və əyalət universitetlərinin birində dərs deyirdi. Öz etirafına görə, 56 adam öldürməyə cəhd edib və onlardan 53-ü öldürərək arzusuna çatıb. Qurbanlarının əksəriyyəti qadınlar idi, onlar cinsi zorakılığa məruz qalırdı. Qorxu içində öldürürülürdü. Çikatilo qurbanlarını öldürdükdən sonra onların üzərinə gəlincik qoyub aradan çıxırdı. Çikatilo 1994-cü il fevralın 14-də başından güllə ilə vurularaq edam edilir. Beləcə, sovet krimonologiyasında "Çikatilonun qara erası" başa çatır.

Harold Şipman

15 yaşlı xəstəsini öldürməkdə təqsirli bilinən Şipman həkimlik "karyerası" ərzində 250 adamı öldürüb. Daha doğrusu, bu ehtimaldır, daha çox da ola bilər. Pasiyentlərini əvvəlcə sağaldıb, sonra öldürməkdən həzz alırmış. Özü buna "Tanrı oyunu" deyirmiş. Uzun müddət reabilitasiya mərkəzində müalicə olunduqdan sonra həkimlik karyerasını qaldığı Donneybrook Sağlamlıq Mərkəzində davam etdirib. Keçmiş həkim və serial qatil olan Harold Şipmanın 236 xəstəsini öldürdüyü öyrənildikdə bir çox kriminal ekspertlər onu buna sövq edən səbəblərin üzə çıxarılması üçün illər boyu uzun araşdırma aparmağa başlayırlar. İngiltərədə məşhur cinayət mütəxəssisi Dam Smit uzun araşdırmalar nəticəsində bunun səbəbini tapdı. Onun iddiasına görə, Şipman törətdiyi cinayətlərdən həzz alıb və öldürməyə aludə olub. O, 2004-cü ildə doğum günündən bir gün əvvəl "intihar kamerasında" sevmədiyi həyatla vidalaşıb.

Ted Bundi

1974-1978-ci illər arasında ABŞ-ın müxtəlif yerlərində silsilə qadın cinayətləri törədilir. Cinayətlər oxşar üsulla törədildiyindən qətliam elementləri bir-birinə bənzəyir. Bu qətllərin Ted Bundi ilə əlaqəli olduğu müəyyən edilir. 10 ildən çox inkardan sonra Bundi otuzdan çox qətl törətdiyini boynuna alır.

Əvvəlcə Bundinin sosiopat olduğu düşünülür. Törətdiyi amansız qətllərə baxmayaraq, ABŞ mediasında təhsilli, yaraşıqlı və nəzakətli bir gənc kimi təsvir edilir. Budinin görünüşünə görə onun qurbanları əsasən gənc və gözəl qadınlar olub. Bundi 1989-cu ildə elektrik stulunda edam edilir.
Pedro Lopez Monsalve

"And canavarı" kimi tanınan serial qatil Kolumbiya, Peru və Ekvador üçbucağında 300 uşağı zorlayaraq öldürüb. Loper bu üç ölkədə yaşadığı dəhşətdən sonra öldürdüyü və təcavüz etdiyi insanların hər biri üçün maksimum bir ay həbsdə yatıb.

Onun 1980-ci ildə qətlə yetirdiyi 53 uşağın məzarı polis tərəfindən tapılır. 1999-cu ildə verdiyi müsahibədə özünü "əsrin adamı" kimi qələmə verib və yaxşı davranışına görə azadlığa buraxılmalı olduğunu bildirib. O, 53 uşağın ölümünə görə 1980-1998-ci illər arasında həbsdə yatsa da, sonradan azadlığa buraxılır. Bundan sonra 53 uşağın qatili Pedronu öldürənə 250 min dollar mükafat vəd edir. Həbsdən çıxdıqdan sonra ondan bir daha xəbər alınmır.

Edmund Kemper

Nekrofil seriyalı qatil kimi təsvir edilən Kemper hələ 15 yaşında olarkən nənə və babasını öldürür. O, ruhi xəstə cinayətkarlarının saxlandığı ən ağır rejimli həbsxanada cəza çəkirdi. Psixiatrlar onu sağaldığına inandırdıqdan sonra 21 yaşında sərbəst buraxırlar. O, 1970-ci illərdə anası da daxil olmaqla bir çox qadının ölümündə günahkar bilinirdi. Ən intellektual cani kimi (İQ 145) tanınır. 10 nəfərin ölümündə günahkar bilinir. Amma qətlə yetirdiklərinin sayı daha çoxdur. "Quzuların səssizliyi" filmi məhz Kemperin cinayətlərindən bəhs edir. Hazırda 73 yaşı olan cani 24 aprel 1973-cü ildə həbs edilib. Sağdır, ömürlük cəzaya məhkumdur. (publika.az)

Telegramda izləyin