600 kilometr yol qət edərək komandasını təkbaşına dəstəklədi

Türkiyə Futbol Federasiyasının (TFF) 3-cü Liqasının 3-cü qrupunda mübarizə aparan Tokat Belediyesporun Düzcesporla keçirdiyi oyunda maraqlı mənzərə yaşanıb. Qarşılaşmada səfər tribunasında cəmi bir azarkeş yer alıb.

Sonxeber.az türk mediasına istinadən xəbər verir ki, Li­qanın 15-ci turu çərçivəsində Düzcə Şəhər Stadionunda keçirilən görüş qolsuz heç-heçə ilə yekunlaşıb. Tokatdan təxminən 600 kilometr yol qət edərək Düzcəyə gələn futbol həvəskarı, səfər tribunalında komandasını tək qoymayıb.

Ona ayrılmış bölmədə oyunu izləyən azarkeş, 90 dəqiqə boyunca səsləndirdiyi şüarlarla Tokat Belediyesporu dəstəkləyib. Matç ərzində hər iki komanda üstünlük əldə edə bilməyib və qarşılaşma 0:0 hesabı ilə başa çatıb.

Bu fədakar azarkeşin davranışı stadionda və sosial mediada diqqət çəkib.

Telegramda izləyin