Azərbaycanda qonaqlığa gedən ailə dəhşət yaşadı – Ər öldü, arvadı və övladları isə...

Azərbaycanda qonaqlığa gedən ailə dəhşət yaşadı – Ər öldü, arvadı və övladları isə...Bir neçə ay əvvəl Hacıqabul rayonunda qadın sürücünün törətdiyi ağır yol qəzası ilə bağlı açılmış cinayət işi üzrə məhkəmə prosesi keçirilib.

Hacıqabul rayon Məhkəməsində Şirvan şəhər sakini, 1982-ci il təvəllüdlü Natiqə Abbasova barəsində Cinayət Məcəlləsinin 263.2-ci maddəsi ilə açılmış işin istintaqı zamanı hadisənin təfərrüatları üzə çıxıb.

Hadisəni törədən sürücü 30 iyul 2021-ci il tarixində özünə məxsus olan "Hyundai Santa Fe" markalı avtomobillə Şirvandan Hacıqabula gəldiyini, İ.Qayıbov küçəsində svetaforun qırmızı işığında dayanmaq istəyərkən yanlışlıqla qaza basdığını və qırmızıda keçərək öz yolu ilə hərəkət edən 1986-cı il təvəllüdlü Qocayev Elşən Zeynədin oğlunun sürdüyü "VAZ 2106"nı vurduğunu etiraf edib. O, bildirib ki, epilepsiyası var və hadisə vaxtı qıcolması tutub, buna görə də maşını saxlamaq əvəzinə gəldiyi sürətlə yaşıldan keçən digər avtomobili vurub. Nəticədə Elşən Qocayev hadisə yerində ölüb, onun həyat yoldaşı və 3 övladı isə müxtəlif dərəcəli xəsarətlər alaraq xəstəxanaya yerləşdirilib. Qəzanı törədən Natiqə Abbasova isə nisbətən yüngül xəsarətlərlə canını qurtara bilib. Hadisə vaxtı N.Abbasovanın yanında olan sərnişin isə maşından düşərək xəsarət almış qadın sürücünü yerə düşürdüb və hadisə yerindən uzaqlaşıb.

Məhkəmədə N.Abbasova törətdiyi hadisəyə görə çox peşman olduğunu, vəfat edən şəxsin ailəsinə vermək üçün 19 min manat pul topladığını, lakin qarşı tərəfin həmin məbləğlə razılaşmayaraq 160 min manat tələb etdiyini bildirib.

Məhkəmədə çıxış edən vəfat edən sürücünün xanımı olayı belə təsvir edib: 30 iyul 2021-ci il tarixdə ərim Elşən, uşaqlarım Əhməd, Rüqayyə və qaynım Qabilin oğlu Nemətlə Sabirabad rayonu Şıxsalahlı kəndində yaşayan anamın evinə qonaq getmək istəyirdik. Elşənin idarə etdiyi "Vaz-2106" markalı avtomobilin qabaq sağ tərəfində mən, arxa oturacaqda isə uşaqlar əyləşib saat 14:45 radələrində yola düşdük. Hacıqabul şəhəri Koroğlu küçəsindən İ.Qayıbov küçəsinə çıxan yolda olan işıqforun yaşıl işığında Elşən idarə etdiyi avtomobili hərəkət etdirməyə başladı, Koroğlu küçəsindən İ.Qayıbov küçəsinə çıxandan sonra Şirvan şəhər istiqamətindən gələn qara rəngli "Hyundai Santafe" markalı avtomobil gəldiyi sürətlə də bizim avtomobilin sol orta hissəsindən vurdu, avtomobil aldığı zərbədən bir neçə metr yan üstə gedib yolun hərəkət hissəsində dayandı. Toqquşma nəticəsində Elşən, mən və uşaqlar xəsarət aldığımız üçün Şirvan şəhər mərkəzi xəstəxanasına aparıldıq. Bir neçə gün sonra özümə gəldikdə Elşənin öldüyünü və uşaqların xəsarət aldıqlarını bildim. Baş vermiş yol nəqliyyat hadisəsi nəticəsində mənə və azyaşlı uşaqlarıma 160.000 manat maddi ziyan dəyib. Baş vermiş yol nəqliyyat hadisəsi nəticəsində həyat yoldaşım Elşən öldüyü, mən və azyaşlı uşaqlar xəsarət aldıqları üçün maddi ziyanın əvəzi kimi təqsirləndirilən şəxsdən 160.000 manat pul tələb edirəm. Mülki iddiamda 10.000 manat qəbir daşının düzəldilməsinə, 60.000 manat müalicəmə, 50.000 manat uşaqların müalicəsinə, 20.000 manat Əhmədə dəymiş zərər, 20.000 manat Rüqayyəyə dəymiş zərər kimi hesablanım. Sığorta şirkəti ərimin ölümünə görə 5.000 manat, zərərçəkmiş şəxslər kimi mənə və uşaqların hər birinə isə 1.500 manat olmaqla, cəmi 11.000 manat sığorta ödənişi verəcək. Təqsirləndirilən şəxsin təklif etdiyi 19.000 manat pulu qəbul etmirəm və onunla barışmaq, onu bağışlamaq niyyətim yoxdur".

Məhkəmə dhşətli qəzanı törədən Natiqə Abbasovanın hadisələrin təsadüfi axarı zəminində ilk dəfə olaraq ehtiyatsızlıq üzündən az ağır cinayət törətməsini, hadisə zamanı özünün də xəsarət almasını, zərərçəkmiş şəxsə və zərərçəkmiş şəxsə dəymiş zərəri ödəməyə və onlarla barışmağa cəhd etməsini, müsbət xasiyyətnaməyə malik olmasını, törətdiyi əməli səmimi etiraf etməklə peşman olmasını, himayəsində 05.02.2009-cu il təvəllüdlü bir azyaşlı uşağının olmasını və uşağını təkbaşına böyüdən qadın olmasını cəzanı yüngülləşdirən hallar kimi nəzərə alıb.

Təqsirləndirilən şəxs 3 il müddətinə nəqliyyat vasitələrini idarə etmək hüququndan məhrum edilməklə, 4 il 6 ay müddətinə azadlıqdan məhrum etmə cəzasına məhkum edilib. O, cəzasını məntəqə tipli cəzaçəkmə müəssisəsində çəkəcək. Məhkəmə həmçinin 160 min manatlıq iddianı baxılmamış saxlayıb.

///Publika.az


Sonxeber.az Telegramda izləyin instagramda izləyin
Hadisə   Baxılıb: 4164   Tarix: 26 yanvar 2022  

Şikayətiniz varsa Whatsapp: 051 7028255

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR

Avtomobil əvvəl daş hasara, sonra iki avtomobilə çırpıldı – ANBAAN VİDEO

Türkiyənin Sürmənə şəhərində idarəetməni itirən avtomobil əvvəl yol kənarındakı daş hasara, ardınca isə yol kənarında dayanmış iki avtomobilə çırpılıb. Hadisə ərazidə olan təhlükəsizlik kameraları tərəfindən anbaan qeydə alınıb. Qəza nəticəsində avtomobildə olan sürücü və sərnişin xəsarət alıb.\

26 yanvar

Bakıda sərxoş kişi dənizə düşüb

Yanvarın 25-də saat 23:00 radələrində Dənizkənarı Milli Parkın ərazisində Qobustan rayon sakini Ü.Nəsirov sərxoş vəziyyətdə dənizə düşüb. Bu barədə Daxili İşlər Nazirliyinin Mətbuat Xidməti məlumat yayıb. Ərazidə xidmət aparan polis əməkdaşları tərəfindən o xilas edilərək xəstəxanaya yerləşdirilib. Hazırd

26 yanvar

Bakıda gənc qadın evində ölü tapıldı

Bakıda mənzildən meyit tapılıb. Fövqəladə Hallar Nazirliyinin Mətbuat Xidmətindən -a verilən xəbərə görə, paytaxtın Nəsimi rayonunda 1 nəfər mənzildə bağlı qapı arxasında köməksiz vəziyyətdə qalıb. Hadisə yerinə cəlb olunan FHN-nin Xüsusi Riskli Xilasetmə Xidmətinin müvafiq xilasetmə qüvvələri mənzili

26 yanvar

Qazaxda mənzildə partlayış, baba və nəvə xəsarət aldı

Qazaxda yaşayış evində qaz partlayışı olub. "Qafqazinfo"nun xəbərinə görə, hadisə rayonun Daş Salahlı kəndində baş verib. Partlayış zamanı 1950-ci il təvəllüdlü Pənah Vəliyev və onun 14 yaşlı nəvəsi yanıq xəsarətləri alaraq xəstəxanaya yerləşdiriliblər. Partlayışın qaz sızmasından baş verdiy

25 yanvar

Bakı bulvarında intihara cəhd - VİDEO

Bakı şəhərində kişi özünü dənizə ataraq intihara cəhd edib. -ın məlumatına görə, hadisə Dənizkənarı Milli Parkın yaxınlığında nəzarətsiz ərazidə qeydə alınıb. Hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri gələrək vətəndaş

25 yanvar

Azərbaycanda DƏHŞƏT: Sürücü yanan avtomobildən son anda xilas oldu - VİDEO

Azərbaycanda sürücü yanan avtomobildən son anda xilas olub. xəbər verir ki, hadisənin görüntüləri sosial şəbəkələrdə yayılıb. İlkin məlumatlara görə, avtomobil bir anda alışııb və sürücü son anda avtomobildən çıxaraq sağ qalıb. Həmin görüntüləri təqdim edirik:

25 yanvar

Abşeronda avtomobilin vurduğu qadın xəstəxanada öldü

Abşeronda avtomobilin vurduğu qadın xəstəxanada ölüb. "Report"un əldə etdiyi məlumata görə, hadisə yanvarın 17-də Bakı-Şamaxı-Yevlax yolunun rayon ərazisindən keçən hissəsində qeydə alınıb. Belə ki, Bakı sakini, 1988-ci il təvəllüdlü Maxsud Muradov idarə etdiyi "Nissan Patrol" markal

25 yanvar

Bakıda qadın döyüldü - VİDEO

Bakıda qadın döyülüb. Bu barədə Baş Prokurorluğun Mətbuat Xidmətindən məlumat verilib. Bildirilib ki, paytaxtın Binəqədi rayon sakini Liyana Kərimova döyülməsi faktı ilə bağlı Binəqədi Rayon Prokurorluğuna müraciət edib:. "Xidmətdən məmnun qalan Liyana Kərimova Baş Prokurorluğun sosial şəbəkə hesabın

25 yanvar

Azərbaycan əsilli aktyor qəzaya düşdü - Vurduğu avtomobilin sahibini axtarır - FOTO

Azərbaycan əsilli aktyor Tamer Karadağlı bədbəxt hadisə ilə üzləşib. xəbər verir ki, Türkiyədə qarlı hava şəraiti ilə əlaqədər aktyor avtomobil qəzasına düşüb. Qəza zamanı digər maşını vuran Tamer bununla bağlı sosial şəbəkə hesabında paylaşım edib. O, həmin avtomobilin qeydiyyat nişanını və markasın

25 yanvar