Yaşayış evindəki yanğında xəsarət alan üç yaşlı uşaq öldü – YENİLƏNİB

Samuxda yanğın zamanı xəsarət alan azyaşlı xəstəxanada dünyasını dəyişib.

Bizim.Media xəbər verir ki, ağır yanıq xəsarətləri alan 2019-cu il təvəllüdlü Bakir Məmmədovun həyatını xilas etmək mümkün olmayıb.

Qeyd edək ki, Fövqəladə Hallar Nazirliyi (FHN) sözügedən yanğın hadisəsi barədə məlumat yayıb.

11:38

Samux rayonunda üçotaqlı evdə yanğın baş verib.

Oxu.Az-ın məlumatına görə, hadisə rayonun Seyidlər kəndində baş verib. İlkin məlumata görə, evin 60 kvadratmetri yanıb.

Baş verən hadisə zamanı 2019-cu il təvəllüdlü B.Məmmədov xəsarət alıb və xəstəxanaya yerləşdirilib.

Hazırda Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri və hüquq-mühafizə əməkdaşları ərazidədir.

Telegramda izləyin