Zelenski Ukraynaya təhlükəsizlik təminatı verən yeddi ölkənin adını açıqlayıb

Ukrayna Prezidenti Volodimir Zelenski bəyan edib ki, yeddi ölkə Ukrayna üçün təhlükəsizlik təminatlarına dair beynəlxalq sazişin məzmununu müzakirə etməyə hazırdır.

O, bu barədə "Habertürk" telekanalına müsahibəsində deyib.

"ABŞ, Böyük Britaniya, Türkiyə, Polşa, Almaniya, Fransa, İsrail – bu ölkələrin hamısı təhlükəsizlik təminatlarına dair beynəlxalq sazişi müzakirə etməyə hazırdır", - deyə Volodimir Zelenski vurğulayıb.

Ukrayna Prezidenti vurğulayıb ki, bəzi ölkələr Ukraynanı tam dəstəkləməyə hazırdır, bəziləri isə bunu etməyəcək, ona görə də məsləhətçilər səviyyəsində görüş və potensial sənədin bəndlərinin müzakirəsi zəruridir./Oxu.az

Telegramda izləyin