Zelenski "Bayraqdar" haqda: PUA-lar təsir etmir

"Bayraqdar" məsələsinə gəldikdə: bunlar bizim dronlardır, bizim birgə (Türkiyə ilə - red.) istehsal olunmuş çox sayda dronlarımız var.

Bunu Ukrayna Prezidenti Vladimir Zelenski deyib.

"Biz bu texnologiyadan (Bayraqdar – red.) istifadə edirik. Amma bütün hörmətimlə səmimi deyirəm ki, bu, fərqli bir müharibədir. Ekspertlər deyirlər ki, bu, 21-ci əsrdə heç biri ilə müqayisə oluna bilməz. Bu və ya başqa dronlar kömək edə bilər, lakin nəticəyə təsir göstərmir. Çünki raketlər, artilleriya, hava hücumundan müdafiə sistemi məsələsi də var. Əlbəttə ki, Rusiyanın digər müstəqil dövlətlərin ərazisində apardığı müharibələrin heç birində bu cür məhvedilmə olmayıb. Bu qədər ağır texnika, bu qədər hərbi ədəbsizlik heç vaxt olmayıb. Ümid edirəm, belə şeylər digər ölkələrin ərazisində bir daha yaşanmaz", - Zelenski bildirib.

Telegramda izləyin