Xanımların sevimlisi Şahruh Xanın son halı TƏƏCCÜBLƏNDİRDİ - FOTOLAR

Tükənməz enerjisi, füsunkar cazibəsi ilə bir çox xanımların qəlbini fəth edən 56 yaşlı məşhur hind aktyoru Şahruh Xan qocalmış görünüşü ilə pərəstişkarlarını təəccübləndirib.

BiG.AZ xəbər verir ki, aktyor son halını əks etdirən fotosunu şəxsi "İnstagram" səhifəsində paylaşıb.

İzləyicilər "Şah qocalır", "Kişi qoca meymuna oxşayır", "Əfsanə gedir və mən onun cazibəsi üçün darıxıram" kimi şərhlər yazıblar.

Lakin buna baxmayaraq, Şahruh hələ də Hindistanın ən bahalı aktyorlarından biri olaraq qalır.

Qeyd edək ki, Bollivudun kralı kimi tanınan Şahrux Xan romantik dram janrından tutmuş hərəkət trilleri janrına kimi 100-dən çox filmdə rol alaraq, bir-birindən maraqlı və yaddaqalan obrazlar yaradıb.

Adının mənası "Şah üzü" olan Şahrux Xan 2 noyabr 1965-ci ildə, Hindistanın paytaxtı olan Nyu-Dehlidə, müsəlman ailəsində dünyaya gəlib. Onun Şahnaz adlı özündən böyük bacısı var. Məktəbdə Hind dili fənnini yaxşı bilmədiyi üçün anası Lətif Fatimə bu dili öyrənəcəyi halda onu kinoya aparacağına dair söz verəndən sonra Xan dərsini daha yaxşı səviyyəyə qaldıra bilib. Anası davamlı olaraq kino izləməyə apardığı üçün Xanın film və aktyorluğa marağı yaranır və özünə aktyor olacağına dair söz verir.

İqtisadiyyat fakültəsini bitirib bakalavr dərəcəsi alan aktyor öz karyerasına teatrda başlayıb və tez bir zamanda şöhrət qazana bilib.

İstedad və gözəl zahiri görünüşünə baxmayaraq, onun həyatında cəmi bir həqiqi sevgisi olub - ilk rəqs partnyoru, hazırda 51 yaşı olan Hauri Çibber. 1991-ci ildən evli olan cütlüyün Suhana, Aryan və Abram adlı 3 övladı var.

Telegramda izləyin