"Frayburq" – "Qarabağ" oyununun hakimləri bəlli oldu

Almaniyada "Frayburq" və "Qarabağ" komandaları arasında keçiriləcək UEFA Avropa Liqasının qrup mərhələsinin I tur oyununun təyinatları açıqlanıb.

Oxu.Az xəbər verir ki, qarşılaşmanı Belçikadan olan hakimlər briqadası idarə edəcək.

Baş hakim Erik Lambrexts olacaq. Ona Jo de Ueyrdt və Matias Hillaert laynsmanlar qismində yardımçı olacaq. Dördüncü hakim funksiyasını Uim Smet yerinə yetirəcək.

VAR hakimləri fransalı Benua Millo və Uilli Delajod olacaq.

Qarşılaşmanın hakim-inspektoru ispaniyalı David Fernandes Borbalan, UEFA nümayəndəsi isə ingiltərəli Conatan Lisdir.

Qeyd edək ki, Erik Lambrexts 2021-ci il sentyabrın 16-da UEFA Konfrans Liqasının qrup mərhələsinin I turunda keçirilən "Qarabağ" və İsveçrə "Bazel"i arasında oyunu idarə edib. Həmin qarşılaşma qolsuz heç-heçə ilə yekunlaşıb.

Telegramda izləyin