"Nant"ın baş məşqçisi: "Qarabağ"la oyundan sonra futbolçularda qəzəb var"

"Qarabağ"la matçdan sonra futbolçularda məyusluq və qəzəb var. Çünki məğlub olmağı sevmirik".

Bunu Fransanın "Nant" komandasının baş məşqçisi Antuan Kambuare Liqa 1-in VIII turunda "Lans"a qarşı keçirəcəkləri oyundan əvvəl mətbuat konfransında deyib.

59 yaşlı mütəxəssis avrokubokda uduzduqları görüşü analiz etdiklərini bildirib: "Bütün diqqətimizi bu qarşılaşmaya yönəltmişik. Yaxşı oyun keçirmək niyyətindəyik. Futbolçulara inanıram. Əlimdəki oyunçularla nəticə qazanmağa çalışıram. Qələbəyə çox ehtiyacımız var".

Fransalı baş məşqçi Fabionun zədə səbəbindən meydana çıxmayacağını söyləyib.

Qeyd edək ki, bu gün keçiriləcək "Nant" - "Lans" matçı Bakı vaxtı ilə saat 19:05-də başlayacaq. "Qarabağ" UEFA Avropa Liqasının qrup mərhələsinin II turunda Fransa təmsilçisini 3:0 hesabı ilə məğlub edib./Report

Telegramda izləyin