Ramilin konsertində qız öldü - FOTO

Tatar və rus əsilli, 22 yaşlı müğənni Ramil'-in (Ramil Əlimov) Rusiyanın Krasnoyarsk şəhərində verdiyi konsert zamanı qız ölüb.

BiG.AZ xəbər verir ki, bu barədə "Mash" "Telegram" kanalı yazaraq hadisə yerindən video paylaşıb.

İlkin ehtimala görə, səhnəyə yaxın duran tamaşaçı tüstüdən boğulub.

Qeyd olunur ki, konsertdə çıxış edən DJ hadisədən öncə dəfələrlə tüstü maşınına yaxın durmamağa dair xəbərdarlıq edib.

Şahidlərin sözlərinə görə, qız maşın işə düşəndən dərhal sonra huşunu itirib. Təhlükəsizlik xidməti onu izdihamın içindən çıxararaq təcili tibbi yardım həkimlərinə təhvil verib, lakin zərərçəkmişin həyatını xilas etmək mümkün olmayıb.

Hadisədən xəbəri olmayan müğənni ifasını davam edib, konsertdən sonra isə bu barədə "Telegram" kanalında yazaraq, göz yaşlarını tuta bilmədiyini etiraf edib. Maraqlıdır ki, bir müddət sonra Ramil` həmin paylaşımını silib.

Telegramda izləyin