Şəhid jurnalistlərin xatirəsinə həsr olunmuş turnirdə ilk yarımfinalçılar bəlli olub
Ardanış Futbol Akademiyasının təşkilatçılığı ilə şəhid jurnalist Məhərrəm İbrahimov və Sirac Abışovun xatirəsinə həsr olunan həvəskar komandalar arasında Ənənəvi Futbol Turnirində II turun oyunları keçirilib.
Günün ilk matçında B qrupunda yer alan "Ada Təpə" və "Media" üz-üzə gəlib. Qarşılaşma "Ada Təpə"nin 2:1 hesablı qələbəsi ilə bitib.
A qrupunda baş tutan "Göyçə" - "Sadaxlı" görüşündə qalib müəyyənləşməyib - 1:1.
Bu nəticələrdən sonra "Ardanış" və "Ada Təpə" komandaları yarımfinala vəsiqəni təmin edib. Digər iki yarımfinalçının adına oktyabrın 23-də III turda aydınlıq gələcək.
A qrupu
"Göyçə" - "Sadaxlı" - 1:1
Qollar: Əfqan Əliyev - Nurlan Aşırov
Xal durumu: "Ardanış" - 3 xal (bir oyuna), "Göyçə" - 1 xal (bir oyuna), "Sadaxlı" - 1 xal (iki oyuna)
B Qrupu
"Ada Təpə" - "Media" - 2:1
Qollar: Şükür Məmmədalıyev, İsa İsayev - Rüstəm Abdullayev
Xal durumu: "Ada Təpə" - 3 xal (bir oyuna), "Novoivanovka" - 1 xal (bir oyuna), Media - 1 xal (iki oyuna),
Turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, Məhərrəm və Siracın timsalında şəhid olan igidlərin öz peşələrindən əlavə, idmana olan marağını gənclərə aşılamaq, yeni nəslin sağlam ruhda vətənpərvər böyüməsinə töhfə verməkdir.
Xatirə turnirində qalib komandalara, eləcə də "ən yaxşı futbolçu", "ən çox qol vuran", "ən yaxşı qapıçı" və "ən gənc oyunçu" nominasiyaları üçün mükafat, kubok, medal və hədiyyələr nəzərdə tutulub.
İştirakçılar arasında 44 günlük Vətən müharibəsi zamanı ön cəbhələrdən şəhid həmkarları kimi operativ xəbərlər, reportajlar hazırlayan jurnalistlər də var. Şəhid jurnalist Məhərrəm İbrahimovun qardaşı Əsgər İbrahimov "Ardanış", Sirac Abışovun qardaşı Şirzad Abışov isə "Media" komandasında çıxış edir.
"Sultan keramik" və "Bee Tours"un sponsorluğu, "Mister Tum"un tərəfdaşlığı ilə keçiriləcək Ənənəvi Xatirə Turnirinə informasiya dəstəyini "Report" İnformasiya Agentliyi və Rakus.az saytı verəcək.
Xatırladaq ki, işğaldan azad olunmuş ərazilərin, Ermənistan silahlı qüvvələri tərəfindən dağıdılmış yaşayış məntəqələrinin çəkilişini həyata keçirən jurnalistləri aparan nəqliyyat vasitəsi 2021-ci il iyunun 4-də Kəlbəcər rayonunun Susuzluq kəndi ərazisində tank əleyhinə minaya düşüb. Nəticədə Azərtac İnformasiya Agentliyinin əməkdaşı 1982-ci il təvəllüdlü Məhərrəm İbrahimov (Əlioğlu), Azərbaycan Televiziyasının operatoru 1989-cu il təvəllüdlü Sirac Abışov və Kəlbəcər Rayon İcra Hakimiyyəti başçısının Susuzluq kənd inzibati dairəsi üzrə nümayəndəsinin müavini Əliyev Arif Ağalar oğlu xidməti vəzifələrini yerinə yetirərkən həlak olub, dörd nəfər yaralanıb.
Prezident İlham Əliyev iyunun 14-də işğaldan azad olunan ərazilərdə vəzifə borcunu yerinə yetirmiş Abışov Sirac Abış oğlu, Əliyev Arif Ağalar oğlu və İbrahimov Məhərrəm Əli oğlunu "3-cü dərəcəli "Vətənə xidmətə görə" ordeni ilə təltif edib./Report
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Tanınmış qiraətçi Nadir Hüseynovun ölümü ilə bağlı yeni detallar məlum oldu (YENİLƏNİB)
Vardanyanın məhkəmə istintaqı yekunlaşdı
"Azərbaycan tarixində ən böyük amnistiya aktı gözlənilir" - AÇIQLAMA
"Pulu stolun üstünə qoydum, dedim ki, nə qədər qızıl varsa, götür"
Əmək müqaviləsinə xitam verilməsi ilə bağlı şərtlər dəyişdi
Gündə bir fincan çay sümükləri qoruyur?
Rüşvət verib "sertifikatlar" alan plastik cərrahlar - Üzərində "ölüm işi" olan da var
Bir neçə gün əvvəl əməliyyat olunmuşdu, bu gün vəfat etdi - Foto
Milli Məclisin plenar iclası başlayıb, gündəlikdə 10 məsələ var
Tovuzda 14 yaşlı qızına toy edən şəxs ögey atası imiş (YENİLƏNİB)
"Ailəsi məni istəməyə gəlmişdi, özü hoteldə yatırdı" - Video
Tülin Ələkbərova və tələbəsi ilə bağlı qərar verildi
Azərbaycanda elektron siqaret - Qadağan edilir
Bakıda tələbə faciəvi şəkildə öldü
"Londondan gələn mesaj Rusiyanın "güclənməsi"nin tərif yox, xəbərdarlıq olduğunu göstərir" - ŞƏRH