Rusiya depressiyaya və alkoqolizmə düçar olub

İşçilərin 80 faizi stres və təlaş keçirir, sərhəd regionlarında çıxış yolunu alkoqolda görürlər...

"Rusiya cəmiyyətində həyəcan səviyyəsi səfərbərlik elan ediləndən sonra rekord həddə çatıb..."

"Rusiyada psixotrop preparatlarının satışı 1, 6 dəfə artıb, insanlar antidepressantlar və trankvilizatorlardan daha çox istifadə edir..."

"Rusiyalılar stres və həyəcanı alkoqolla çıxarmağa üstünlük verir, əhalinin alkoqollaşdırılması problemə çevrilib..."

"Putin öz yaxın ətrafında olan bəzi insanların alkoqolizmə yuvarlanmasından xüsusilə narahatdır..."

Ukraynada müharibə uzanır, o, adi obıvatelə "yaxınlaşdıqca", Rusiya cəmiyyətində gərginlik artır və rusiyalılar getdikcə depressiyaya düçar olur.

Bu barədə RBK nəşri yazıb.

Bu yaxınlarda "Alfasığorta" şirkətinin analitik mərkəzinin sifarişi ilə aparılan tədqiqatda məlumat verilib ki, Rusiyada işçilərin 80 faizi stres və dövrü olaraq təlaş keçirir. Rəyi soruşulanların yarıdan çoxu sabit olaraq həyəcan keçirir, 27 faizində isə təlaş halları baş verir. Bu zaman respondentlərin 49 faizi motivasiyanın aşağı düşməsini, 35 faizi isə qarşıya qoyulan vəzifələrin icrasında sürətin azalmasını qeyd edib.

Təşkilatlar həyəcanlı şayiələri yayanları aşkar etmək və iş vaxtı siyasi müzakirələri qadağan etməklə belə halların qarşını almağa cəhd edir.

"İctimai rəy" fondunun daha öncə apardığı tədqiqatda qeyd edilir ki, Rusiya cəmiyyətində həyəcan səviyyəsi səfərbərlik elan ediləndən sonra rekord həddə çatıb. Sentyabrın sonunda həyəcanlı əhval-ruhiyyədə olan vətəndaşların sayı praktiki olaraq iki dəfə- 35 faizdən 69 faizə çatıb.

Getdikcə daha çox insan həkimlərə müraciət edərək, psixotrop preparatlar əldə edir. Müharibənin ilk ayları, yanvardan avqust ayınadək antidepressantların və trankvilizatorların satışı 1, 6 dəfə artıb. Səfərbərlik başlanandan sonra sakitləşdirici preparatlara tələbat daha 38 faiz artıb, eyni zamanda həyəcanı azaldan bioloji aktiv əlavələrin satışı da kəskin artıb.

Müharibə fonunda Rusiyada alkoqolun istifadəsi kəskin surətdə artıb. Ən çox Ukrayna ilə sərhəddə yerləşən Belqorod və Kursk vilayətlərində müvafiq olaraq 20 və 16 faiz artıb. Bu barədə "Kommersant" qəzeti alkoqolun federal və regional bazarlarının tədqiqat Mərkəzinə istinadən məlumat verib. Bu zaman içkilərdən araq, konyak, viski, rom və s. ən çox populyardır.

Həmçinin Tambov və Voronej vilayətlərində içənlərin sayı təxminən 12 faiz, Orlov vilayətində 10, 7 faiz, Lipetsk vilayətində isı 9 faiz artıb. İnsanlar, əsasən, yerli bahalı olmayan, bir şüşəsi 200 rubla (5, 5 manat-red.) olan araq alır.

Sentyabr ayında alkoqolun istifadəsi ilə bağlı problemlər olduğuna Rusiya prezidenti Vladimir Putin də diqqət çəkib. O, Rusiyanın bəzi regionlarının qubernatorlarına əhalinin alkoqollaşdırılması ilə mübarizəyə başlamağı və "sağlam həyat tərzinin təbliğini genişləndirməyi tövsiyə edib".

"Meduza" portalının Kreml administrasiyasıma yaxın mənbələri iddia edir ki, Putin məsələni təsadüfən qaldırmayıb. Onların sözlərinə görə, Ukraynada müharibə fonunda rusiyalı məmurlar getdikcə spirtli işkilərə daha çox meyllənir. Putini "öz yaxın ətrafında olan bəzi insanların" vəziyyəti xüsusilə narahat edir.

"İnsanlar fevraldan streslərini bu yolla çıxarır. Nazirlər, müavinləri, hətta baş nazirin müavinləri, prezident administrasiyasının və Təhlükəsizlik Şurasının işçiləri, dövlət korporasiyalarının bir hissəsi, qubernatorlar belə davranır", - bunu nəşrin həmsöhbətlərindən biri danışıb./Moderator

Telegramda izləyin