Ronaldo "Əl-Nəsr"dən gəldiyi kimi gedəcək

Təzəlikcə 2,5 illik müqavilə ilə Səudiyyə Ərəbistanının "Əl-Nəsr" komandasına transfer olunan dünyaca məşhur portuqaliyalı ulduz futbolçu Kriştiano Ronaldo komandanı tərk edəcək.

BiG.AZ türk mətbuatına istinadən xəbər verir ki, bu barədə şok açıqlamanı Səudiyyə Ərəbistanı komandasının məşqçisi Rudi Qarsiya verib.

O, karyerasını "Əl-Nəsr"də bitirəcəyi gözlənilən futbolçu barədə bu sözləri deyib:

"Ronaldo dünyanın ən yaxşılarındandır. Amma "Əl-Nəsr"in onun karyerasında son komanda olacağını düşünmürəm. Məncə, qarşıdan gələn illərdə yenidən Avropada oynayacaq".

Qeyd edək ki, Səudiyyə Ərəbistanı komandası ilə iki rəsmi matçda oynayan Kristiano Ronaldo hələ qol vura bilməyib. "Əl-Nəsr" ilə 2.5 illik müqavilə imzalayan portuqaliyalı ulduz bir ilə 200 milyon avro qazanır.

Telegramda izləyin