Bobi ən yaşlı it elan edilib

30 yaşlı Bobi adlı it Ginnesin Rekordlar Kitabı tərəfindən dünyanın ən yaşlı iti elan edilib.

Sonxeber.az xəbər verir ki, Bobinin yaşını Portuqaliya hökuməti tərəfindən tanınan heyvan məlumat bazası da təsdiqləyib.

Saf Rafeiro do Alentejo cinsindən olan Bobi, ən çox yaşayan it tacını 23 yaşlı Çihuahua Spikedən təhvil alıb.

Ginnes rəsmilərinə Bobinin varlığı barədə məlumat verilməzdən əvvəl Spike rekordçu kimi cəmi iki həftə keçirib.

Portuqaliyalı Bobi bütün həyatını Portuqaliyanın cənubundakı Conqueiros kəndindəki evlərində Kosta ailəsi ilə keçirib.

Mühafizə itləri sinfindən olan Rafeiro do Alentejo cinsinin ömrü 12 ilə 14 il arasındadır.

Ən yaşlı it, Bluey (1910-1939) 29 il 5 ay yaşamış avstraliyalı mühafizə iti idi.

11 may 1992-ci ildə doğulduqdan sonra qeydiyyatda olduğu Leiria Bələdiyyəsinin Baytarlıq Xidməti Bobinin yaşını təsdiqlədi.

Şəbnəm Lətifi

Telegramda izləyin