Son aylar ölkəni sarsıdanlar: qəfil ölüm, xəstəlik... - FOTO

Xəbər verdiyimiz kimi, bu gün səhər saatlarında tanınmış ilahiyyatçı, din xadimi Hacı Şahin Həsənli dünyasını dəyişib. 48 yaşlı ilahiyyatçının ürəktutmadan vəfat etdiyi bildirilib. Qəfil vəfat edən Hacı Şahinin ölüm xəbəri hər kəsi sarsıtdı. Azərbaycanın İslam cəmiyyətinin formalaşmasında xidmətləri olmuş ilahiyyatçının ölümü cəmiyyətimiz və din icması üçün böyük itki sayılır.
Qeyd edək ki, son bir neçə ayda itirdiyimiz ziyalı və tanınmışların sayı az deyil. Bu itkiləri birləşdirən ortaq səbəb eynidir. Son vaxtlar vəfatı ilə sarsıdan və ölkə gündəminə çevrilən tanınmışların hamısı xəstəlikdən həyatlarını itirib.

Ötən ilin sentyabrın 30-da ürəktutmadan vəfat edən müğənni, bəstəkar Rəhim Rəhimli. Sevilən ifaçı qəfil dünyasını dəyişmişdi.
Bu ilin yanvarın 22-si uzun sürən xərçəng xəstəliyindən dünyasını dəyişən "Toppuş bacı" kimi tanıdığımız Əməkdar artist Tünzalə Əlyeva. İllərdir xərçənglə mübarizə aparan aktrisa Milli Onkologiya Mərkəzində vəfat etmişdi.
Fevralın 21-i vəfat edən Azərbaycanın tanınmış aktyoru, Xalq Artisti Ramiz Novruz. Azərbaycan Dövlət Akademik Milli Dram Teatrının aparıcı üzvü olmuş aktyor da uzun sürən xəstəlikdən vəfat edib. 67 yaşlı Xalq artisti xərçəng xəsətəliyindən əziyyət çəkirdi.
Fevralın 28-i həyatını itirən tanınmış jurnalist, media üzrə mütəxəssis Ellada Mustafayeva. E.Mustafayeva da 34 yaşında uzun surən xəstəlikdən dünyasını dəyişib.

Telegramda izləyin