"Klon"un Amini heç dəyişmədi - 22 il sonrakı HALI – FOTOLAR

22 il öncə Braziliyadan dünyaya səs salan "Klon" serialının aktyorları indi necədirlər? Çəkilişindən bir neçə il sonra Azərbaycanda da nümayiş olunmağa başlayan serialın qəhrəmanları qısa zamanda hər kəsin sevimlisinə çevrildi. Müxtəlif obrazlarına görə fərqlənən "Klon" bu gün də izləyicilərinin yadındadır.

Qeyd edək ki, 2001-ci ildə Braziliyada nümayişə girən "Klon" teleserialı Şərq-Qərb fərqlilikləri, narkomaniya və insanın klonlaşdırılması kimi üç böyük mövzuyla dünyanın ən məşhur seriallarından birinə çevrildi. 2010-cu ildə Braziliyada serialın remeyki, yəni başqa aktyorlarla ikinci variantı çəkilsə də, gözlənilən uğuru əldə etmədi.

BiG.AZ oxuculara ssenarisi Qloriya Peresə, rejissor işi Jayme Monjardinə aid olan "Klon" teleserialında Lətifə və Məhəmmədin oğlu Amin rolunu canlandıran Tyaqo Oliveyranın illər sonrakı fotolarını təqdim edir.

Bu rol onun üçün ilk olmasa da, məhz "Klon" serialı aktyoru tanıtdırıb və burada çəkildikdən sonra ona digər layihələrdən çoxsaylı təkliflər gəlib.

Məsələn, təkcə 2004-cü ildə onun iştirakı ilə üç şou yayımlanıb. Lakin zaman keçdikcə rejissorların Tyaqoya marağı azalıb.

Hazırda 35 yaşı olan aktyor 12 il öncə ABŞ-a köçüb. Buraya o, rejissor köməkçisi kimi çalışmağa dəvət olunub.

Oliveyranın sevgilisi var, lakin evlilik barədə hələ cütlük düşünmür.

Bəziləri hesab edirlər ki, oğlanın əvvəlki xarizması qalmayıb, bəs sizcə?

Telegramda izləyin