Balonlarla qızılları kimə qaldı, zəhərləndiyi sübuta yetirildimi? - İlhamənin MÜƏMMASI

Balonlarla qızılları kimə qaldı, zəhərləndiyi sübuta yetirildimi? - İlhamənin MÜƏMMASIBu gün Azərbaycan incəsənətində özünə xas yeri olan Xalq artisti İlhamə Quliyevanın doğum günüdür. O yəqin ki, ən təzadlı xarakteri olan sənət adamlarındandır. Haqqında səslənən fikirlər birmənalı deyil. Hətta ölümündən sonra belə, İlhamə qalmaqallara səbəb ola, maraq oyandıra bilir.

Özünə "Primadonna" təxəllüsünü seçmişdi. Sənətkarlığına güvənərək Dədə Qorqudun missiyasına sahiblənmiş, sənətini sevdiyi müğənnilərə də müxtəlif təxəllüslər bağışlamışdı. Ümumiyyətlə, 2000-ci illərin əvvəli Azərbaycan estradasında bir ad almaq, özünə təxəllüs seçmək bumu yaşanırdı, hamısı da qəribə səslənirdi.

Kimsə "Qızıl şlyager" olurdu, kimsə "Nömrə bir", kimsə "Qızılsəs", kimsə "MM", Kimsə "F.A", kimsə "Toylar kralı", kimsə "Əjdaha", kimsə "Barbi", kimsə "Şahzadə", kimsə "Faytonçu". Saymaqla bitməz. İlhamə bu dəstənin önündə liderlik etmək üçün "Primadonna" oldu.

Onun yaradıcılığını iki səhifəyə bölmək olar. Doxsanıncı illərə qədər və sonra. 90-cı illərə qədər tanıdığımız İlhamə daha çox gözəlliyi, ana-atasının şöhrəti sayəsində ortada olsa da, Zeynəb Xanlarova, Şövkət Ələkbərova, Rəşid Behbudov və başqa böyük (baxmayaraq ki, fərqli janrlarda idilər və müqayisə edilməzdilər) sənətkarların kölgəsində qalmışdı. Dövr dəyişincə çox daşlar yerindən oynadı. Həmin illərdə İlhamə Quliyeva "Neylərsən?" mahnısı ilə populyarlıq qazanıb zirvəyə qalxdı və bir daha o zirvədən enmədi. Endirmək üçün çalışanlara savaş açdı, qalmaqallar yaşadı.

İlhamə Quliyeva 1943-cü il avqustun 17-də Lənkəranda prokuror Məzahir Quliyev, xanəndə Tükəzban İsmayılovanın ailəsində dünyaya gəlib. Atasının işi ilə əlaqədar olaraq beş yaşına qədər Şəkidə yaşayıblar. Altı yaşı olanda valideynləri ayrılıb. Tükəzban İsmayılova tarzən Həbib Bayramov ilə ailə həyatı qurur. İlhamə Quliyeva Həbib Bayramovu öz doğma atası kimi təqdim edirdi. Söz düşəndə "Quliyeva İlhamə Məzahir qızıyam. Şöhrət ordenini mənə yazanda, vəsiqəmdə atamın adı Həbib yazılıb. Məzahir Quliyev məni yaradıb, Həbib Bayramov tərbiyə verib" deyirdi. Hər iki atadan ona var-dövlət miras qalmışdı. Gəncliyindən bu sayədə hamıdan fərqlənir, liderlik etməyi sevirdi.

O çox şey bilirdi. Bildiyi çox məlumatlardan da gah qarşı tərəfi şantaj edib susudurmaq, gah özünə boyun əydirmək üçün istifadə edirdi. Bu mənada çoxları onu sevirmiş kimi görünür, üzünə gülür, dostları sırasında olmağa çalışır, ya da sadəcə yaltaqlanırdılar. İlhamənin nüfuz dairəsi böyük idi, istədiyi adamı özü demiş qaldırıb-endirə bilirdi.

Çoxları üçün qəddar, eqoist görünən bu qadının bir də hamıdan gizli, tamamilə fərqli bir üzü var idi. İçi özünü yandırırdı, çölü özgələrini.
Çox gözəl qadın idi. Amma qadın kimi səadəti yox idi. Nə ömürlük yoldaşı var idi, nə doğma övladı. Deyilənə görə, gözəl qadınları möhkəm qısqanırmış, bu xasiyyətindən özünün də zəhləsi gedirmiş. Xalq artisti Nazpəri Dostəliyeva ilə də bu səbəblə yola gedə bilmirdi. Nazpəri xanıma da "Nazlı Pəri" təxəllüsünü taxsa da, o qəbul etməmiş, hətta efirdə, canlı yayımda aralarında çox sərt mübahisə olmuşdu. İlhamə xanım, "Mən söz yemirəm, yedizdiririəm" deməklə özünə qarşı çox sərt reaksiyalar toplamışdı. İş o həddə çatmışdı ki, ölkənin qaziləri yığışıb ona qarşı bəyanat vermişdilər.

"Qarabağ Qaziləri" İctimai Birliyi Mədəniyyət və Turizm Nazirliyinə, Milli Teleradio Şurasına, telekanalların rəhbərlərinə, KİV-lərə və rəsmi dövlət qurumlarına İlhamə Quliyeva haqqında şikayət vermişdi.

Haqqında çox şayiələr gəzirdi. Buna çox zaman özü səbəb olur, amma keçib gedərkən arxasında yaratdığı fırtınalara, toz buluduna yuxarıdan aşağı bir baxış atıb acı-acı gülümsəyirdi.

Gənclikdən onunla dostluq etmiş müğənni Firuzə İbadovanın dediyinə görə, İlhamə göründüyü qədər sərt deyilmiş, qalxanını əlinə yalnız özünü müdafiə etmək lazım olanda götürürmüş. Ömrünün son 30 ilində İlhamənin qalxanı əlindən heç düşmədi.

İlhamə vətəndaş nikahında yaşadığı, adı hamıya naməlum olan bir kişidən hamilə qalsa da, övladını dünyaya gətirmədən itirir. Əslində sonralar bir şayiə də çıxdı ortaya, Flora adlı bir xanım İlhamənin doğma qızı olduğunu desə də, məlumat təsdiq olunmadı. İlhamə rəfiqəsi Firuzə İbadovanın ailə problemləri üzündən uşağını abort etdirmək istədiyini biləndə xəstəxanaya gəlib, onu bu işdən yayındırıb. Doğulandan sonra uzun müddət Firuzə xanımın qızı Hülyanın yeməyini o alıb verib. Üzdə deməyi sevməsə də, uşaq evlərinə, qocalar evlərinə ərzaq alıb göndərir, qazan-qazan isti yeməklər aparırmış. Münsif kimi qatıldığı musiqi müsabiqəsində cavanlara pul verirmiş ki, efirə abırlı geyimdə çıxsınlar.

Bir oğulluğu var. Orxan adında. Ölümündən sonra mirasını ona bağışlamadı. Onunla da problem yaşayırdı. Uzun illər köməkçisi işləmiş prodüserinin onu zəhərləyərək asta-asta öldürdüyünü də deyirdi. Sağlığında balonlar dolusu qızıllarım, brilliantlarım var deyib öyünürdü. Ölümündən öncə dostlarına deyirmiş ki, mən öləndə bacımın uşaqlarını içəriyə buraxmayın. Ölümündən sonra üzə çıxan qohum-əqrəbalar bu miras üzündən qalmaqal yaratdılar. Hərçənd kim nə pay qopardı hələ də bəlli deyil.

Ona sağlığında "musiqi mafiyasının babası" da deyirdilər. Ölümündən sonra çoxları onun yerinə göz diksə də, heç kim İlhamə ola bilmədi. Sağlığında İlhamənin onları əzməsindən gileylənənlər ölümündən sonra azad olduqları zəncirlər üçün darıxdılar, İlhamənin yeri görünür dedilər. Sultan Süleymana qalmayan dünya İlhaməyə də qalmadı. Ondan qalan yalnız dillər əzbəri olan deyimləri, söhbətləri və bir də qalmaqallarının, çətin xarakterinin belə kölgə sala bilmədiyi mahnıları oldu.//lent.az


Sonxeber.az
Telegramda izləyin
Şou-biznes   Baxılıb: 3705   Tarix: 18 avqust 2023  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

4 övladı olan Xuraman Şuşalı: "156 kvadratmetr ev balacadı, 300 kvadratmetr olsa yaxşıdır"

Müğənni Xurman Şuşalı evinin kiçik olmasından gileylənib. xəbər verir ki, "Xəbərin var?" verilişinə qonaq olan ifaçı hazırda yaşadığı mənzilin 156 kvadratmetr olduğunu, lakin balaca olduğunu vurğulayıb. Xuraman qeyd edib ki, evin sahəsi 300 kvadratmetr olsa idi övladları daha rahat yaşayardı

4 fevral
.

"Bir gece masalı"nda ayrılıq

ATV-nin iddialı serialı "Bir Gece Masalı"nda obrazı dünyasını dəyişən Yüsra Geyik serialla vidalaşıb. türk mediyasına istinadən xəbər verir ki, artıq bir müddətdir ki, məşhur serialda "soyuq küləklər" əsir. Dekabr ayında Yüsra Geyik həm ortağı Eren Vurdemi, həm də serialın rəsmi sosia

6 fevral
.

"300, 500 manata işləyim?"

Aktyor Elməddin Cəfərov TikTok-u tənqid edib. xəbər verir ki, sənətçi "Qapqara" proqramında sözügedən sosial şəbəkənin gənclərin tərbiyyəsini pozduğunu bildirib:. "Üzülürəm, onları başa salsam, bəlkə doğru yola yönələr. Eləsi var ki, özündən sonra gələn nəslin tərbiyəsini çox pozur. Söhbə

5 fevral
.

Diddi işinin şok detalları: Yeni qurbanlar və cinayətlər ortaya çıxdı

ABŞ-də insan alveri və cinsi istismar ittihamı ilə təqsirləndirilən məşhur reper P.Diddinin (əsl adı - Şon Kombs) səs-küylü işinə yeni faktlar əlavə edilib. Belə ki, müstəntiqlər yeni zərərçəkənləri aşkar ediblər və musiqiçinin cinayətkar fəaliyyətlərinin 2024-cü ilə qədər davam etdiyini öyrəniblər

31 yanvar
.

Məşhur aktyor həyat yoldaşına xəyanət edib?

Məşhur aktrisa Melis İşiten YouTube proqramında keçmişdə xəyanətə məruz qaldığını etiraf edib. türk mediasına istinadən xəbər verir ki, Meliş İşiten 2014-cü ildə həmkarı Uraz Kaygılaroğlu ilə ailə həyatı qurub və bu evlilikdən Ada adlı bir qızı dünyaya gəlib. 2019-cu ildə boşanan cütlük dost qalmağ

4 fevral
.

Məşhur müğənni sevgilisi ilə fotolarını paylaşdı

Populyar mahnıları ilə geniş pərəstişkar kütləsi toplayan müğənni İrem Derici həm səhnə performansı, həm də şəxsi həyatı ilə diqqət çəkməyə davam edir. türk mediyasına istinadən xəbər verir ki, bir müddət əvvəl sevgilisi olduğunu açıqlayan, lakin adını söyləməyən Derici, sosial media hesabından etdiy

5 fevral
.

Samirə ailəsinin fotosunu paylaşdı

"Avroviziya" təmsilçilərimizdən olan Samirə Əfəndi sosial media hesabındakı paylaşımı ilə diqqət çəkib. Axşam.az xəbər verir ki, ifaçı anası ilə atasının şəkillərini izləyiciləri ilə bölüşüb. Fotolar arasında Samirənin uşaqlıq fotosu da yer alıb

2 fevral
.

80 yaşlı həyat yoldaşından boşanan aktrisa TANINMAZ HALDA - FOTOLAR

Aktrisa Meltem Miraloğlunun hazırda səfalət içində yaşadığı bildirilib. Sənətçinin 80 yaşlı həyat yoldaşı Patrik Qredidən boşandıqdan sonra supermarketdə kassir işlədiyi və evlərə təmizliyə getdiyi deyilir. Aktrisa İllinoys ştatını tərk edərək Nyu Cersi ştatına köçərək orada yaşamağa başlayıb. Yayıla

2 fevral
.

Həyat yoldaşı xəyanət edən azərbaycanlı müğənni HİCAB bağladı - Hər zaman açıq geyimi ilə DİQQƏT ÇƏKİRDİ+ FOTO

Gənc ifaçı Aygül Səfərova yeni geyimi ilə diqqət çəkib. xəbər verir ki, daha çox açıq-saçıq geyimi ilə yadda qalan xanım ifaçı bu dəfə hicab bağlayıb. Qeyd edək ki, ifaçı aylar öncə həyat yoldaşının ona xəyanət etdiyinə görə ayrıldıqlarını bildirib. "3 il ailəli olduq. Həyatdır da. Heç bir qadı

1 fevral