"Rəhim məni həyatdan küsdürdü"

"Bütün günü ürəyimdə Rəhimlə danışıram. Rəhim məni həyatdan küsdürdü. Bilirdiniz ki, necə mehriban insan idi. Bütün günü yadımdadır".

Axşam.az xəbər verir ki, bu sözləri mərhum müğənni-bəstəkar Rəhim Rəhimlinin anası Firəngiz xanım "Elgizlə izlə" proqramına açıqlamsında deyib. O, övladı ilə bağlı xatirələrini bölüşüb:

"Hamı onun qədrini bildi, amma özü yox. Rəhim deyirdi ki, sənsiz mən necə dözərəm? Mən də deyirəm ki, bəs mən sənsiz necə dözüm? O elə etdi ki, özü məndən əvvəl getdi.

Müğənni Niyam Salami dəfələrlə gəlib mənə baş çəkir. İstəyirəm, onun haqda danışıb, dostlarından öyrənim. Çünki elə şeylər var ki, mən onlardan bixəbərəm. O şeyləri isə dostları mənə danışır. Rəhimin etdiyi xeyirxah işləri haqda dostları mənə deyib. Çünki onları bilmirəm".

Qeyd edək ki, Rəhim Rəhimli ötən il sentyabrın 30-da dünyasını dəyişib. Onun ölümünə səbəb ürək çatışmazlığı olub. İfaçı eyni zamanda qaraciyər sirrozundan əziyyət çəkirmiş.

Telegramda izləyin