İsrailin Qəzzaya hücumları nəticəsində dağılan məscidlərin sayı 32-yə çatıb

İsrail qüvvələrinin Qəzza zolağındakı Ən-Nur əl-Məhəmmədi məscidinə hücumundan sonra dağıdılan məscidlərin sayı 32-yə çatıb.

Sonxeber.az xəbər verir ki, Qəzzada Fələstin Daxili İşlər Nazirliyindən verilən yazılı açıqlamada İsrail təyyarələrinin Qəzzanın şimalında Şeyx Rıdvan rayonundakı Ən-Nur əl-Məhəmmədi məscidinə hücum etdiyi bildirilib.

Açıqlamada hücum nəticəsində yaralananların olduğu, eyni məhəllədə bir evə edilən hücumda ölən və yaralananların olduğu qeyd edilib.

Nazirlik dünənki açıqlamasında İsrailin hücumları nəticəsində Qəzza zolağında dağıdılan məscidlərin sayının 31-ə yüksəldiyini açıqlayıb.

Telegramda izləyin