Pedofillər süni intellekt ilə məşhurların "uşaqlaşmış" şəkillərini yaradırlar

İngiltərədə hazırlanan hesabatda pedofillərin getdikcə daha çox istifadə etdiyi süni intellektin məşhur insanların saxta uşaqlıq şəkillərini hazırlamağa başladığı ortaya çıxıb.

Sonxeber.az BiG.AZ-a istinadən xəbər verir ki, İnternet təhlükəsizliyi sahəsində çalışan İnternet İzləmə Vəqfi (IWF) bu xarakterli görüntülərin paylaşıldığını təsbit edib. Şəkillər əsasən qaranlıq veb kimi tanınan izləmək çətin olan virtual şəbəkələr vasitəsilə yayılır.

Artıq uşaq olan aktrisaların fotoları da uşaq istismarı görüntülərinə çevrilə bilər. Pedofil məzmun istehsalçıları da bu texnologiyadan istifadə edərək real həyatda uşaq zorakılığının qurbanı olmuş insanların yüzlərlə saxta görüntüsünü yaradırlar.

İngiltərədə kompüter tərəfindən yaradılan və uşaq istismarını ehtiva edən "saxta görüntü" qanun qarşısında real görüntü kimi qəbul edilir. Belə materialların daşınması, dərc edilməsi və ya ötürülməsi cinayətdir.

Mütəxəssislərin araşdırdığı saxta görüntülər daha çox qadın müğənni və aktrisalardır. Hesabatda hansı məşhurların hədəf alındığı açıqlanmır. Vəqf bu araşdırmanın İngiltərə hökumətinin gələn ay süni intellektlə bağlı keçirəcəyi zirvə toplantısında gündəmə gəlməsini təmin etmək üçün paylaşıldığını qeyd edib.

Telegramda izləyin