İsrail qüvvələri Cenin şəhərinə basqın edib

İsrail qüvvələri işğal altındakı İordan çayının qərb sahilində Cenin şəhərinə basqın edib.

Sonxeber.az xəbər verir ki, basqın nəticəsində 7 nəfər yaralanıb, 13 nəfər nəzarətə götürülüb.

Bu barədə Fələstinin rəsmi agentliyi WAFA məlumat yayıb.

Məlumata əsasən, İsrail ordusu 40-dan çox hərbi maşın və buldozerlə Cenin şəhəri və Cenin Qaçqınlar Düşərgəsinə basqın edib.

İsrail qüvvələrinin çox sayda fələstinlinin evinə basqın edərək atəş açaraq gözyaşardıcı qazdan istifadə etməsi nəticəsində aralarında qadın və uşaqların da olduğu 7 nəfər yaralanıb.

Yaralı qadının vəziyyətinin ağır olduğu, uşağın ayağından əsl güllə ilə vurulduğu bildirilib.

İsrail qüvvələri basqın zamanı ən azı 13 fələstinlini saxlayıb.

Telegramda izləyin